Onde o mundo se chama Celanova
| Onde o mundo se chama Celanova | |
|---|---|
 A sinatura do autor aparece na cuberta da edición da Biblioteca das Letras Galegas. | |
| Título orixinal | Onde o mundo se chama Celanova |
| Autor/a | Celso Emilio Ferreiro |
| Lingua | lingua galega |
| Xénero(s) | poesía |
| Data de pub. | 1975 |
| Premios | |
| Na rede | |
 | |
| [ editar datos en Wikidata ] | |
Onde o mundo se chama Celanova é un libro de poemas publicado por Celso Emilio Ferreiro en 1975. Trátase do libro máis intimista da lírica ferreirá, e ten como núcleo temático fundamental a evocación da infancia e da adolescencia, se ben tamén é de salientar o conxunto de quince poemas finais, titulados en conxunto Moraima:Diario de a bordo, no que o autor desenvolve a súa lírica amorosa. O libro foi incluído na Biblioteca das Letras Galegas de Edicións Xerais de Galicia.
Temática e estrutura
[editar | editar a fonte]O núcleo emotivo do libro, o impulso que o puxo en marcha, foi a saudade da terra evocada dende Venezuela. Esta temática é particularmente relevante nos trece primeiros poemas, nos que a lembranza da nenez e a adolescencia constitúen unha constante exclusiva.
Os seguintes 21 poemas teñen un carácter máis heteroxéneo, onde as saudades anteriores se combinan co Celso Emilio máis crítico: declaracións de principios ideolóxicos, sátiras contra o poder, o diñeiro, a vida burguesa.
Por último, as quince composicións de Moraima:Diario de a bordo abre un abano de inflexións temáticas a partir do núcleo que representa o diálogo de amor coa esposa como receptora da gratitude e confidencias do poeta.
Recoñecementos
[editar | editar a fonte]- I Premio da Crítica de poesía galega, 1976.
Véxase tamén
[editar | editar a fonte]Bibliografía
[editar | editar a fonte]- Cáccamo, X. M. A. (1991). Introdución en Ferreiro, C. E. Onde o mundo se chama Celanova, Biblioteca das Letras Galegas, Xerais.
- Vilavedra, Dolores, ed. (2000). Diccionario da literatura galega. Obras III. Vigo: Editorial Galaxia. ISBN 84-8288-365-8.
Outros artigos
[editar | editar a fonte]- Onde o Mundo se Chama Celanova (revista iniciada en 1986).
