Old (filme)

Old
Instancia de filme  Título Old (en)  Baseado en Château de sable  Caracterizado por título en Hispanoamérica título en España
Características  Cor en cor  Xénero artístico filme de misterio cinema de terror psicolóxico cinema de terror sobrenatural drama sobrenatural cinema de comedia cinema de drama psicolóxico filme de suspense cinema dramático filme de suspense cinema de terror cinema de comedia de terror  Formato de distribución vídeo baixo demanda  Lingua orixinal inglés estadounidense
Implicados  Produtor/a M. Night Shyamalan  Director/a M. Night Shyamalan  Compositor/a Trevor Gureckis  Guionista M. Night Shyamalan  Director/a fotografía Mike Gioulakis  Compañía produtora Blinding Edge Pictures  Distribuidor/a Universal Studios HBO Max Netflix UIP-Dunafilm
Datas  Data de publicación 23 de xullo de 2021 (Estados Unidos de América, Canadá, Reino Unido, Suecia) 29 de xullo de 2021 (Alemaña, Hungría)
Cifras e dimensións Duración 108 min Formato de imaxe 2,39:1
Localización  País de orixe Estados Unidos de América
Fontes e ligazóns  Páxina WEB old.movie  Puntuación da crítica 55/100 Metacritic (11 de outubro de 2025) 50% Rotten Tomatoes (29 de novembro de 2022) 5.5/10 Rotten Tomatoes (10 de outubro de 2021)
Wikidata C:Commons

Old é un filme estadounidense de 2021 escrito, dirixido e producido por M. Night Shyamalan. Baséase na novela gráfica francesa Château de sable de Pierre Oscar Lévy e Frederik Peeters. Está protagonizado por Gael García Bernal, Vicky Krieps, Rufus Sewell, Alex Wolff, Thomasin McKenzie, Abbey Lee, Nikki Amuka-Bird, Ken Leung, Eliza Scanlen, Aaron Pierre, Embeth Davidtz e Emun Elliott. A trama segue a un grupo de persoas que envellecen rapidamente nunha illada praia.

Shyamalan decidiu adaptar Château de sable logo de recibir a novela como agasallo polo Día do Pai en 2017. O proxecto, daquela sen título, anunciouse en setembro de 2019, e o cineasta revelou unha asociación con Universal Pictures. Ao ano seguinte, a rodaxe tivo lugar na República Dominicana durante tres meses, durante a pandemia de COVID-19, co director de fotografía Michael Gioulakis.

Old estreouse no Jazz at Lincoln Center de Nova York o 19 de xullo de 2021, e nos cinemas dos Estados Unidos o 23 de xullo. Recadou 90 millóns de dólares en todo o mundo sobre un orzamento de 18 millóns, e recibiu boas valoracións por parte da crítica.

Personaxes

Gael García Bernal (esquerda) e Vicky Krieps interpretan a parella formada por Guy e Prisca Cappa.

• Gael García Bernal como Guy Cappa
• Vicky Krieps como Prisca Cappa
• Rufus Sewell como Charles
• Abbey Lee como Chrystal
• Alex Wolff como Trent Cappa, (15 anos)
  • Emun Elliott como Trent Cappa (adulto)
  • Luca Faustino Rodriguez como Trent Cappa (11 anos)
  • Nolan River como Trent Cappa (6 anos)
• Thomasin McKenzie como Maddox Cappa, (16 anos)
  • Embeth Davidtz como Maddox Cappa (adulta)
  • Alexa Swinton como Maddox Cappa (11 anos)
• Nikki Amuka-Bird como Patricia Carmichael
• Ken Leung como Jarin Carmichael
• Eliza Scanlen como Kara, (15 anos)
  • Mikaya Fisher como Kara (11 anos)
  • Kylie Begley como Kara (6 anos)
• Aaron Pierre como Mid-Sized Sedan/Brendan