Oksana Chusovitina
_04-2011.JPG)
Oksana Chusovitina (de nome completo Oksana Aleksandrovna Chusovitina, en ruso: Оксана Александровна Чусовитина, tamén transcrito Tsjoesovitina, Chusovítina e Čusovitina), nada o 19 de xuño de 1975 en Bukhara, é unha ximnasta alemá-uzbeca. Durante a súa carreira competiu pola Unión Soviética (até 1992), Comunidade de Estados Independentes (1992), Uzbekistán (1993-2006, e de novo desde 2013 até o presente) e Alemaña (2006-2012). Nos Xogos Olímpicos de 1992 converteuse en campioa olímpica (xunto co equipo completo do equipo unificado da CEI). Pola súa longa traxectoria, é coñecida ás veces como a avoa da ximnasia.[1]
Traxectoria
[editar | editar a fonte]Oksana Chusovitina comezou a practicar ximnasia en 1982.[2] A súa carreira como ximnasta comezou nos campionatos internacionais comezou en 1989. É a única ximnasta feminina que competiu en oito Xogos Olímpicos. En 2024 lesionouse durante as probas clasificatorias, o que lle impediu participar nos que serían os seus novenos Xogos.[3][4] Ademais, é unha das dúas únicas ximnastas que competiron nos Xogos Olímpicos baixo tres bandeiras diferentes: o Equipo Unificado nos de 1992, Uzbekistán en 1996, 2000, 2004, 2016 e 2021 (Toquio'2020),[5] e Alemaña en 2008 e 2012. Chusovitina tamén competiu en dez Campionatos Mundiais de Ximnasia Artística, tres Xogos Asiáticos e tres Xogos de Boa Vontade (Goodwill Games). Con nove medallas, ostenta o récord de máis medallas individuais nos Campionatos Mundiais de Ximnasia Artística nunha soa proba; en 2023 gañou medalla nos Mundiais por terceira vez consecutiva.[6]
Chusovitina é, xunto coa soviética Larissa Latynina, a neerlandesa Suzanne Harmes, a cubana Leyanet Gonzalez e a española Thais Soha-Escolar, unha das poucas ximnastas que regresou ao nivel internacional despois de dar a luz.[7][8]
Palmarés
[editar | editar a fonte]Xogos Olímpicos de Verán
[editar | editar a fonte]| Ano | Cidade | Resultado / participación | País representado |
|---|---|---|---|
| 1992 | Barcelona | Medalla de ouro en equipo
+ 7º en chan (floor) |
Equipo Unificado (ex·URSS) |
| 1996 | Atlanta | Participou | Uzbekistán |
| 2000 | Sídney | Participou | Uzbekistán |
| 2004 | Atenas | Participou | Uzbekistán |
| 2008 | Pequín | Medalla de prata en salto (vault) | Alemaña |
| 2012 | Londres | Participación - especialista en salto | Alemaña |
| 2016 | Río de Xaneiro | Participación - especialista en salto | Uzbekistán |
| 2020[5] | Tokio | Participación - especialista en salto | Uzbekistán |
Campionatos do Mundo
[editar | editar a fonte]| Ano | Lugar | Medallas | País representativo |
|---|---|---|---|
| 1991 | Indianápole | 1º equipo (ouro), 1º chan (ouro)
2º salto (prata) |
URSS |
| 1992 | París | 3º salto (bronce) | CEI |
| 1993 | Birmingham | 3º salto (bronce) | Uzbekistán |
| 1995 | Sabae | 6º salto | Uzbekistán |
| 2001 | Gante | 2º salto (prata) | Uzbekistán |
| 2002 | Debrecen | 3º salto (bronce) | Uzbekistán |
| 2003 | Anaheim | 1º salto (ouro) | Uzbekistán |
| 2005 | Melbourne | 2º salto (prata) | Uzbekistán |
| 2006 | Aarhus | 3º salto (bronce) | Alemaña |
| 2007 | Stuttgart | 6º salto | Alemaña |
| 2011 | Toquio | 2º salto (prata) | Alemaña |
| 2013 | Antuerpen | 5º salto | Uzbekistán |
| 2017 | Montreal | 5º salto | Uzbekistán |
 | Este artigo (ou sección) está desactualizado(a). A información fornecida mudou ou é insuficiente. |
Notas
[editar | editar a fonte]- ↑ Paula Murillo (2025-11-30). "La atleta eterna: la carrera imposible de Oksana Chusovitina". YouTube (en castelán). Consultado o 2025-12-08.
- ↑ "International Gymnast Magazine Online". www.intlgymnast.com (en inglés). Arquivado dende o orixinal o 17 de abril de 2001. Consultado o 2025-12-08.
- ↑ RFM. "Ginasta de 47 anos está a caminho da sua nona olimpíada". RFM (en portugués). Consultado o 2025-12-08.
- ↑ Amarillo, Ignacio Andrés. "Oksana Chusovítina: un adiós forzado a los Juegos Olímpicos" (en castelán). Consultado o 2025-12-08.
- 1 2 Os Xogos Olímpicos de Toquio 2020 manteñen esa denominación, aínda que foron celebrados no verán de 2021, debido á pandemia de COVID-19
- ↑ "Оксана Чусовитина спорт гимнастикаси бўйича Жаҳон кубогида кумуш медални қўлга киритди". Газета.uz (en uzbeko). 2023-03-11. Consultado o 2025-12-08.
- ↑ Olympics (2018-06-17). "The Story of Larissa Latynina, the Most Successful Olympic Gymnast". The Olympics On The Record; YouTube. Consultado o 2025-12-08.
- ↑ Clarín, Redacción (2016-08-10). "La gimnasta más longeva de la historia de los Juegos Olímpicos". Clarín (en castelán). Consultado o 2025-12-08.
 |
Wikimedia Commons ten máis contidos multimedia na categoría: Oksana Chusovitina  |
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Guinness World Records – Oldest Olympic gymnast (female) (en inglés)
- Noticias Olímpicas – “La incombustible Oksana Chusovitina” (en castelán)
| Control de autoridades |
|
|---|
