Ofrenda floral das Fallas
A Ofrenda de Flores (l'Ofrena de flors en valenciano) é un dos aspectos máis relixiosos das Fallas de Valencia. Esta tradición faise dende 1945.
Os días 17 e 18 de marzo, tódalas falleiras das 370 comisións falleiras fan procesión até a Plaça de la Mare de Déu para ofrecer un ramo de caraveis á Virxe. Vístese con flores nunha estada xigante de madeira, que amodiño vai tomando a forma da Virxe. Un gran toldo azul e branco disponse entre a Basílica e un edificio á outra banda, para cubrila de posíbeis choivas. En calquera parte da fonte da praza, déixanse aínda máis flores e tamén unha clase de presebes, feitos por cada falla. Contra as paredes da Basílica da Virxe, dispóñense recintos onde se meten aínda máis flores. As últimas falleiras ao facer a ofrenda sempre son a falleira infantil e a Falleira Maior, os máximos representantes da festa.