O pudin máxico

O pudin máxico
Ficha técnica
Título orixinal	The Magic Pudding
Director	Karl Zwicky
Produtor	Gerry Travers Paddy Conroy Bruce Davey Carmel Travers Edward Trost
Guión	Harry Cripps Greg Haddrick Simon Hopkinson
Baseado en	The Magic Pudding de Norman Lindsay
Intérpretes	Sam Neill Geoffrey Rush Hugo Weaving Jack Thompson Toni Collette John Cleese
Música	Chris Harriott
Montaxe	Richard Hindley
Estudio	Energee Entertainment New South Wales Film and Television Office Australian Broadcasting Corporation Premium Movie Partnership
Distribuidora	20th Century Fox Filmax
Estrea	14 de decembro de 2000 28 de xuño de 2002
Duración	80 minutos
Orixe	Australia
Xénero	Animación
Orzamento	12 millóns de dólares australianos (estimado)
Recadación	1,1 millóns de dólares australianos
Na rede

O pudin máxico (título orixinal en inglés: The Magic Pudding) é un filme australiano de animación de 2000 dirixido por Karl Zwicky. É unha adaptación solta baseada no libro homónimo de 1918 do autor Norman Lindsay. O elenco de voces está composto por Sam Neill, Geoffrey Rush, Hugo Weaving, Jack Thompson, Toni Collette e John Cleese. O filme foi producido por Energee Entertainment, un estudio australiano que tamén produciu a serie de televisión Wicked!. Energee pechou en 2002 por mor das perdas financeiras de O pudin máxico.

Sinopse

Bunyip Bluegum, un koala noviño que sempre pensara que era orfo, descobre que pode que os seus pais estean vivos, polo que comeza unha viaxe para atopalos. Na súa viaxe coñece a Bill Barnacle, un mariñeiro en terra; a Sam Sawnoff, un pingüín amestrado; e a Albert, un pudding que se rexenera constantemente e ao que lle encanta ser comido.

Dobraxe

• Data: 2002
• Dirección: Xerardo Couto
• Actores da dobraxe:

Personaxe	Actor/actriz orixinal	Actor/actriz de dobraxe
Albert, o pudin máxico	John Cleese	Luis Iglesa
Bunyip	Geoffrey Rush	Nacho Castaño
Bill	Hugo Weaving	Paco Barreiro
Sam	Sam Neill	Iñaki Baliño
Buncle	Jack Thompson	Miguel López Varela
Ginger	Mary Coustas	Chelo Díaz
Watkin	Greg Carroll	Carlos Couso
Patrick	Dave Gibson	Matías Brea
O tío Wattleberry		Tuto Vázquez
Rumpus Bumpus	John Laws	Miguel Pernas

Estrea

A película estreouse por primeira vez en Australia o 14 de decembro de 2000 e foi estreada nos cines pola filial local da 20th Century Fox. En España a película estreouse nos cines o 28 de xuño de 2002 baixo a distribución de Filmax, e foi dobrada a catro linguas. Estas catro dobraxes tamén se distribuíron en DVD nos anos 2000.

Produción

A familia Lindsay rexeitara previamente moitas solicitudes internacionais para vender os dereitos de "O pudin máxico", preferindo esperar a que unha empresa australiana presentase a fórmula adecuada para a adaptación. Os aspirantes anteriores foron Rolf Harris, Jim Henson Productions e ata o propio Walt Disney. Finalmente, en 1997, os Lindsay venderon os dereitos cinematográficos a Energee Entertainment, unha das empresas de animación independentes daquela líderes do país.

Recepción

A película foi lanzada con críticas mixtas e a maioría dos críticos percibírona como un intento errado de facer xustiza ao traballo de Lindsay.

Críticos australianos, como Louise Keller, Andrew L. Urban e David Edwards, deron críticas positivas á película.

Despois fracaso de recadación, Energee entrou en dificultades financeiras. Foi posto en administración o 28 de xuño de 2002 e pechou definitivamente non moito tempo despois.