O pacto dos lobos

O pacto dos lobos
Ficha técnica
Título orixinal	Le pacte des loups
Director	Christophe Gans
Produtor	Richard Grandpierre Samuel Hadida
Guión	Christophe Gans Stéphane Cabel
Intérpretes	Samuel Le Bihan Vincent Cassel Émilie Dequenne Monica Bellucci Jérémie Renier Mark Dacascos
Música	Joseph LoDuca
Fotografía	Dan Laustsen
Montaxe	David Wu Sébastien Prangère Xavier Loutreuil
Distribuidora	Universal Pictures (EUA) Focus Features (EUA) TVA Films(Canadá) Metropolitan Filmexport (Francia) United International Pictures (Australia) StudioCanal
Estrea	31 de xaneiro de 2001 5 de novembro de 2009 (TVG)
Duración	142 minutos
Orixe	Francia
Xénero	Terror
Orzamento	$29 000 000
Recadación	$70 752 904

O pacto dos lobos (en francés: Le pacte des loups) é unha película de ficción baseada nos feitos históricos referentes á Besta do Gévaudan. Estreouse en galego na TVG o 5 de novembro de 2009.

Argumento

Rexión do Gévaudan (sur de Francia), ano 1766. Xa fai dous anos que unha besta ten aterrorizada ás xentes da zona, cos seus ataques a persoas, en especial mulleres e nenos. As xentes falan dun lobo de colosal tamaño, quen sabe se un dragón... incluso se fala do Demo.

As noticias destes crimes inexplicables acaban chegando á Corte, a oídos do rei Luís XV de Francia, quen pon prezo á súa cabeza. Moitas son as batidas que se organizan, e moitos son os lobos asasinados, pero a Besta segue cometendo as súas horrendas carnicerías...

O cabaleiro Grégoire de Fronsac, home culto e de mundo, naturalista que traballaba para o rei chega ó Gévaudan unha noite de outono ca misión de facer un retrato da Besta, e eventualmente, disecala unha vez cazada. Pero non vén só: acompáñao Mani, un indio mohawk que coñecera en Nova-Francia, durante a Guerra dos Sete Anos. Ambos serán recibidos en casa do Marqués de Apcher e o fillo deste, Thomas, fará grande amizade con eles, guiándoos nas batidas e acompañándoos nos salóns dos nobres da zona. Nestas reunións coñecerán os herdeiros dos Condes de Morangias (a familia máis poderosa do lugar), Marianne e Jean-François, apaixonado da caza e das viaxes que perdeu un brazo en África.

Entre batidas e recepcións, chega o inverno, pero a Besta non deixa de matar... Ata que Louis XV, farto ante a falta de resultados, decide enviar ó seu lugartenente de caza, Antoine de Beauterne, quen mata un gran lobo que Grégoire de Fronsac debe disecar e enviar á corte, a pesar de estar plenamente convencido de que esa non é nin con moito a besta que están a buscar.

Grégoire de Fronsac é reclamado polo rei, quen lle prohibe volver ó Gévaudan; porén, e respondendo ás peticións de Thomas de Apcher, desobedece para participar nunha derradeira batida, que Mani liderará, utilizando ancestrais técnicas chamánicas. Pero nada lles preparara para o que van vivir...

Personaxes

• Samuel Le Bihan como Cabaleiro Grégoire de Fronsac
• Vincent Cassel como Jean-François de Morangias
• Émilie Dequenne como Marianne de Morangias
• Monica Bellucci como Sylvia
• Jérémie Renier como Marquis Thomas d'Apcher
• Mark Dacascos como Mani
• Jean Yanne como Conde de Morangias
• Jean-François Stevenin como Henri Sardis
• Jacques Perrin como Thomas d'Apcher (vello)
• Édith Scob como Condesa Geneviève de Morangias
• Johan Leysen como Antoine de Beauterne
• Bernard Farcy como Intendente Pièrre-Jean Laffont
• Hans Meyer como Marquis d'Apcher
• Virginie Darmon como La Bavarde
• Philippe Nahon como Jean Chastel
• Eric Prat como Capitán Duhamel
• Jean-Loup Wolff como Duque Gontrand de Moncan
• Gaspard Ulliel como Louis
• Dee Bradley Baker como Efectos vocais da besta

Véxase tamén

Ligazóns externas

• Ficha na IMDb (en inglés)