O imposible de desatar

Na Galipedia, a Wikipedia en galego.

O imposible de desatar
Autor/aIván García Campos
CubertaMiguel Vázquez
OrixeGaliza
Linguagalego
ColecciónLiteraria nº 289
Xénero(s)Novela
EditorialEditorial Galaxia
Data de pub.28 de outubro de 2010
FormatoRústica con lapelas
Páxinas216
ISBN978-84-9865-313-7
editar datos en Wikidata ]

O imposible de desatar é unha novela en lingua galega escrita por Iván García Campos e publicada por Editorial Galaxia en 2010. Nese mesmo ano gañou a XXVIII edición do Premio Blanco Amor de novela, outorgado nesa ocasión polo concello de Poio.

Trama[editar | editar a fonte]

O imposible de desatar conta a historia dunha familia, formada por unhas personaxes complexas, mais de proceder simple, que viven xuntas nunha soidade que non saben compartir, ficando á beira da despersonalización e da automatización. A casa, e mesmo o silencio, a radio ou a televisión, no remate, son tan protagonistas coma os propios habitantes[1]. A novela acontece xusto aos inicios da crise de 2008, cando só afectaba ao sistema financeiro estadounidense e aínda non provocara os diferentes derrumbes bursátiles a escala internacional que viñeron xusto despois. Na trama xógase con esa tensión entre o local e o global e tamén incide noutros temas esenciais como o binomio comunicación/incomunicación, a construción da identidade, a situación do mundo laboral ou o tránsito da familia tradicional aos novos tipos de familia.

Narración[editar | editar a fonte]

A novela móvese nas marxes da narratividade, dun relato que vai do marabilloso cotián á pura traxedia[2]. Á vez realista e alegórica. Os cambios de narrador (unhas veces omnisciente, outras con monólogos interiores dos personaxes co seu discurso en estilo indirecto libre, outras cunha obxectividade propia dunha cámara cinematográfica), de perspectiva e mesmo a estrutura do relato merecen tanta atención como os aspectos temáticos[3]. O rexistro lingüístico é aséptico e case nu de calquera enfeite estilístico. Con frases concisas e repetitivas, aínda que por veces o texto ilumínase con pequenas doses de retranca e finísimo humor e mesmo certos elementos paratextuais.

Traducións[editar | editar a fonte]

En 2015 a novela publicouse en castelán, na editorial Mar Maior, traducida por Carmen Torres París e María Dolores Torres París[4][5].

Notas[editar | editar a fonte]

  1. "Imposible de desatar, seis letras. Recensión | LG3 | O soportal da Literatura Galega". culturagalega.org (en castelán). Consultado o 2021-11-21. 
  2. "O lector é o protagonista da historia". [cando?]. [Ligazón morta]
  3. Otero Varela, Inmaculada (2011). "Os nócegos da vida". Grial 49 (189): 84–85. ISSN 0017-4181. 
  4. "Imposible de desatar" (en castelán). Consultado o 2021-11-21. 
  5. "Imposible de desatar: Iván García Campos". Libros Prohibidos (en castelán). 2016-04-08. Consultado o 2021-11-21. 

Véxase tamén[editar | editar a fonte]

Ligazóns externas[editar | editar a fonte]