O Congreso de París (Dubufe)

O Congreso de París
	Instancia de pintura
	Instancia de pintura
Características
	Material / ingrediente lenzo (soporte pictórico) ; pintura ao óleo
	Método de fabricación pintura ó óleo
	Xénero artístico pintura histórica
	Representa a Camillo Benso; Mehemmed Djemil Bey; Max von Hatzfeldt (pt) ; Salvatore Pes di Villamarina; Philipp von Brunnow; Vincent Benedetti; político; Napoleón III; obra escultórica; tratado internacional; Mehmed Emin Aali Pasha; Alexandre Colonna-Walewski; Karl Ferdinand von Buol; Henry Wellesley; George Villiers; Aleksey Fyodorovich Prince Orlov; Joseph Alexander Hübner; François-Adolphe de Bourqueney; Otto Theodor von Manteuffel; Napoleón I de Francia
	Tema principal Tratado de París
	Colección Museo de Orsay ; Museo de Historia de Francia
Implicados
	Creador/a Édouard Dubufe
Datas
	Fundación / creación 1856
Cifras e dimensións
	Altura 308 cm
	Anchura 510 cm
Localización
	Localización Palacio de Versalles
	Exposición Salon of 1857 (en)
Fontes e ligazóns
	Número inventario MI 230 (Museo de Orsay); MV 1994 (Museo de Historia de Francia); INV 10168
	Wikidata

O Congreso de París é unha pintura ó óleo realizada en 1856 polo pintor francés Édouard Dubufe.^[1] Está exposta no Palacio de Versalles. A pintura mostra unha das reunións que tiveron lugar en París entre o 25 de febreiro e 30 de marzo de 1856 para asinar a paz da Guerra de Crimea.

Historia

Artigos principais: Guerra de Crimea e Tratado de París (1856).

Entre outubro de 1853 e febreiro de 1856 tivo lugar a Guerra de Crimea que enfrontou a alianza formada polo Imperio Británico, o Segundo Imperio Francés, o Imperio Otomán e o Reino de Sardeña contra o Imperio Ruso para frear a expansión destes, así coma a súa influencia nos Balcáns. Tras varias batallas célebres, como o sitio de Sebastopol, a batalla de Balaclava ou a batalla de Inkerman e constatada a derrota dos rusos, as potencias vencedoras reuníronse en París para asinar o tratado que poñía fin ao conflito.

Descrición do cadro

O cadro mide 380 cm x 510 cm. A pintura mostra aos ministros plenipotenciarios dos países relacionados coa guerra, así como o de Prusia, que aínda que non participou, foi convidado a participar nas conversas.^[2].

Os personaxes que aparecen representados no cadro son:

Primeira fila (dereita a esquerda)^[2]
Nome	Retrato	Plenipotenciario de
Aleksei Feodorovich Orlov		Imperio Ruso
Karl Ferdinand von Buol		Imperio Austrohúngaro
Henry Wellesley		Imperio Británico
Camillo Benso		Reino de Sardeña
Segunda fila (dereita a esquerda)^[2]
Mehmed Emin Aali Pasha		Imperio Otomán
George Villiers		Imperio Británico
Vincent Benedetti		Segundo Imperio Francés
Mehemmed Djemil Bey		Imperio Otomán
Alexandre Colonna-Walewski		Segundo Imperio Francés
Edwin Freiherr von Manteuffel		Reino de Prusia
Joseph Alexander Hübner		Imperio Austrohúngaro
François-Adolphe de Bourqueney		Segundo Imperio Francés