Nova Esquerra Catalana

Na Galipedia, a Wikipedia en galego.
Saltar ata a navegación Saltar á procura
Nova Esquerra Catalana
Dirixentes e organización
LíderErnest Maragall
Historia
Fundación15 de decembro de 2012
Posicións políticas
IdeoloxíaSocialdemocracia, independentismo catalán
Outros datos
Páxina webnovaesquerracatalana.cat

Nova Esquerra Catalana (NECat, en galego: Nova Esquerda Catalá) é un partido político de ideoloxía socialdemócrata e independentista catalán. Fundouse o 15 de decembro de 2012 en Sitges baixo o impulso de Ernest Maragall, ex-dirixente do Partit dels Socialistes de Catalunya (PSC).

Presentouse ás eleccións ao Parlamento Europeo de 2014 en coalición con Esquerra Republicana de Catalunya e Catalunya Sí, baixo o nome de L'Esquerra pel Dret a Decidir.[1] A coalición obtivo dous escanos, entre eles Ernest Maragall, que ocupaba o segundo posto na lista electoral.

O 28 de agosto de 2014 houbo un encontro en Palamós organizado por Nova Esquerra Catalana e Avancem para iniciar o curso político en Cataluña. Naquela ocasión, as dúas organizacións manifestaron a voluntade de confluír nunha nova organización antes de finais do 2014.[2]

O 22 de novembro de 2014 presentou a súa confluencia con Moviment Catalunya para crear unha nova candidatura definida como socialista, catalanista e soberanista. O 30 de novembro anúnciase a fusión baixo a denominación Moviment d'Esquerres (MES).[3]

Notas[editar | editar a fonte]

  1. 324.cat, ed. (3 de abril de 2014). "O ex-conselleiro socialista Ernest Maragall será o número dous de ERC nas europeas de maio". Consultado o 24/11/2014. 
  2. DiarideGirona.cat, ed. (28 de agosto de 2014). "NeCat e Avancem dan comezo ao proceso de confluencia". Consultado o 1/9/2014. 
  3. 324.cat, ed. (30 de novembro de 2014). "Os críticos do PSC, o partit de Ernest Maragall e Moviment Catalunya presentan MES, un novo partido de esquerdas". Consultado o 30/11/2014. 

Véxase tamén[editar | editar a fonte]

Ligazóns externas[editar | editar a fonte]