Nostocáceas

Na Galipedia, a Wikipedia en galego.
Saltar ata a navegación Saltar á procura
Nostocaceae
Anabaenaspiroides EPA.jpg
Anabaena spiroides
Clasificación científica
Dominio: Bacteria
Filo: Cyanobacteria
Clase: ver [1]
Orde: Nostocales
Familia: Nostocaceae
Eichler, 1886
Xéneros

As nostocáceas (Nostocaceae) son unha familia[1][2] de cianobacterias que forman colonias de forma filamentosa[3] englobadas nun mucus ou unha vaíña xelatinosa. Algúns xéneros da familia viven principalmente en augas doces e solos (como Nostoc), mentres que outros se encontran principalmente en augas salgadas (como Nodularia). Outros xéneros (como Anabaena) poden encontrarse tanto en augas doces coma salgadas.

Igual que outras cianobacterias, estas bacterias adoitan conter pigmentos fotosintéticos nos seus citoplasmas para realizar a fotosíntese. Estes pigmentos danlles unha cor verde-azulada.

As especies das Nostocaceae son coñecidas maiormente pola súa capacidade de fixación do nitróxeno, e establecen relacións simbióticas con certas plantas, como as do xénero Azolla, cicadas, e antocerotas. As cianobacterias proporcionan nitróxeno aos seus hóspedes. Certas especies de Anabaena foron utilizadas para fertilizar cultivos de arroz. As Azollasp., que portan cianobacterias crecen na auga nos campos durante a tempada de crecemento. Entón son aradas e enterradas no solo, xunto co nitróxeno que conteñen, o que é un método eficaz de fertilización da terra.

A familia Nostocaceae pertence á orde Nostocales. Os membros desta familia poden distinguirse dos doutras familias por dúas característricas: (1) teñen filamentos de células non ramificadaos dispostos extremo con extremo, e (2) desenvolven heterocistes entre as células dos filamentos.

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

  • Bold, Harold C., Alexopoulos, Constantine J., & Delevoryas, Theodore. (1987). Morphology of Plants and Fungi (5th ed.). Nova York: Harper & Row. ISBN 0-06-040839-1.
  • Drouet, Francis. (1973). Revision of the Nostocaceae with Cylindrical Trichomes (formerly Scytonemataceae and Rivulariaceae). Nova York: Hafner Press. ISBN 0-02-844060-9
  • Drouet, Francis. (1981). Revision of the Stigonemataceae with a Summary of the Classification of the Blue-green Algae. Vaduz: J. Cramer. Nova Hedwigia: Heft 66.

Ligazóns externas[editar | editar a fonte]