Nora Roberts
 (2007)  | |
| Nome orixinal | (en) Eleanor Marie Robertson Aufem-Brinke Wilder |
|---|---|
| Biografía | |
| Nacemento | (en) Eleanor Marie Robertson 10 de outubro de 1950 (73 anos)Silver Spring, Estados Unidos de América (pt)  |
| Datos persoais | |
| Residencia | Boonsboro (pt) (1989–) Keedysville (pt) |
| País de nacionalidade | Estados Unidos de América |
| Educación | Montgomery Blair High School (en) (–1968) |
| Actividade | |
| Campo de traballo | Escrita creativa e profesional e literature for women (en) |
| Lugar de traballo | Maryland |
| Ocupación | novelista , empresaria , legal secretary (en) , escritora , guionista , escritora de ciencia ficción , filántropa |
| Período de actividade | 1981 - |
| Xénero artístico | Novela romántica, thriller novel (en) , futuristic novel (en) e Fantasía |
| Pseudónimo literario | J.D. Robb Sarah Hardesty Nora Roberts Jill March |
| Lingua | Lingua inglesa |
Premios
| |
| Páxina web | noraroberts.com |
         | |
Eleanor Marie Robertson, nada en Silver Spring (Maryland) o 10 de outubro de 1950, é unha escritora de best-sellers estadounidense,[1] dentro do xénero da novela romántica e de suspense co nome de Nora Roberts e de literatura fantástica co nome de J. D. Robb. Foi a primeira escritora incluída no Salón da Fama dos Escritores Románticos dos Estados Unidos. A partir de 2011, as súas novelas totalizaron 861 semanas na Lista de Best-Sellers do New York Times, incluíndo 176 semanas na posición número un.[2]
Publicou tamén unha historia nunha revista co pseudónimo de Jill March. Ademais, na súa publicación no Reino Unido, a serie Born In foi editada co pseudónimo de Sarah Hardesty, mais non volveu traballar con ese editor.
Traxectoria
[editar | editar a fonte]Eleanor Marie Robertson foi a menor e única nena de cinco irmáns. Foi educada durante un tempo nunha escola católica antes de casar moi nova con Ronald Aufem-Brinke contra os desexos dos seus pais[3] e establecerse en Keedysville, Maryland. Traballou como secretaria legal, mais despois do nacemento dos seus dous fillos permaneceu na casa. O matrimonio acabou en divorcio en 1983.
Comezou a escribir durante unha tormenta en febreiro de 1979,[4][5] e a súa primeira novela, Irish Thoroughbred, apareceu en 1981, publicada por Silhouette. Para asinar as súas novelas románticas empregou o diminutivo do seu nome e apelidos, Nora Roberts.[3]
Coñeceu o seu segundo marido, Bruce Wilder, cando o contratou para que lle fixese unhas baldas. Casaron en xullo de 1985.
Baixo o pseudónimo de J. D. Robb, Roberts tamén escribe a serie In Death de ciencia ficción sobre temas policíacos. Protagonízanas a detective Eve Dallas e o seu home Roarke e teñen lugar a mediados do século XXI en Nova York.[6] As iniciais "J. D." son dos seus fillos, Jason e Dan, mentres que "Robb" é unha forma apocopada de Robertson. Ao comezar a serie, escollera o pseudónimo de D. J. MacGregor, mais cambiouno porque xa o empregara outro autor.[4]
Roberts é célebre por ser moi prolífica. En 1996 superou as cen novelas con Montana Sky. Escribe oito horas cada día, todos os días.[7] Moitos lectores e estudosos da ficción romántica atribúen a transformación cara a unha heroína romántica máis forte en parte á habilidade de Roberts para desenvolver personaxes e narrar unha boa historia.
En 1997, outra novelista romántica, Janet Dailey, admitiu que copiou repetidamente a obra de Roberts. Esta práctica descubriuse cando unha lectora de Roberts leu Sweet Revenge, de Roberts, e Notorious, de Daley; ao comparalas, notou os parecidos e colgou en Internet as pasaxes parecidas.[8] Roberts recibiu unha compensación económica que dedicou a causas literarias.
Notas
[editar | editar a fonte]- ↑ Clark, Blanche (30 de novembro de 2010). "'The $60 million woman'". Herald Sun. Arquivado dende o orixinal o 29 de decembro de 2010. Consultado o 6 de decembro de 2010.
- ↑ "Nora Roberts Did You Know?". Website Oficial Nora Roberts. 27 de marzo de 2011. Arquivado dende o orixinal o 08 de abril de 2011. Consultado o 9 de abril de 2011.
- ↑ 3,0 3,1 Kloberdanz, Kristin (Marzo–abril de 2002). "Meet the Authors - Nora Roberts|Book Magazine". Arquivado dende o orixinal o 11 de xullo de 2007. Consultado o 10 de agosto de 2007.
- ↑ 4,0 4,1 "Frequently Asked Questions and Answers from Nora Roberts". Consultado o 4 de agosto de 2007.
- ↑ "Author Nora Roberts". Nora Roberts. Arquivado dende o orixinal o 14 de xullo de 2007. Consultado o 4 de agosto de 2007.
- ↑ Schendel, Jennifer (15 de novembro de 2001). "The Appeal of the Romance Series". All About Romance. Arquivado dende o orixinal o 07 de agosto de 2007. Consultado o 9 de agosto de 2007.
- ↑ "Fire Destroys Novelist Roberts' Hotel". Arquivado dende o orixinal o 13 de marzo de 2008. Consultado o 22 de febreiro de 2008.
- ↑ "Nora Roberts: A Celebration of Emotions". Publishers Weekly. 23 de febreiro de 1998. Consultado o 25 de decembro de 2006.
Véxase tamén
[editar | editar a fonte]Bibliografía
[editar | editar a fonte]- Little, Denise and Laura Hayden, The Official Nora Roberts Companion, Berkley Books, 2003, ISBN 0-425-18344-0.
- "Stolen Kisses", Entertainment Weekly Issue #392
Ligazóns externas
[editar | editar a fonte]- Páxina oficial
- Páxina oficial de J.D. Robb
- Blog oficial
- Forum in Death, foro de fans de J.D.
- Memmott, Carol (11 de febreiro de 2009). "Nora Roberts' romantic inn". USA Today.
- Universo Romance (en castelán)
- Nora Roberts
- Nora Roberts e J.D. Robb en e-románticos (en castelán)
| Control de autoridades |
|
|---|
