Noor-Eesti

Noor-Eesti
Tipo	movemento cultural
Data
Fundación	1905
Localización
País	Estonia
[ Wikidata ]

Nova Estonia (en estoniano: Noor-Eesti) foi un grupo literario neorromántico establecido arredor de 1905 e dirixido polo poeta Gustav Suits e o escritor de contos Friedebert Tuglas. Outros membros do grupo foron Villem Grünthal-Ridala e Johannes Aavik.

Traxectoria

Noor-Eesti xerou un conxunto de obras orixinais nos campos da literatura, as belas artes e as artes decorativas. Tamén deu pulo á renovación da lingua estoniana e traduciu literatura europea contemporánea ao estoniano. O grupo chegou a un amplo público durante o turbulento ano da revolución de 1905, lanzando cinco álbums titulados Noor-Eesti I-V e provocando un cambio radical na cultura estoniana.

Gustav Suits articulou a ideoloxía do grupo do seguinte xeito:

"O que impulsa e exalta a humanidade é a educación. O noso lema é: Máis cultura! Máis cultura europea! Sigamos sendo estonianos, pero sexamos tamén europeos. Queremos descubrir as ideas e formas cara ás que nos impulsan o noso espírito, carácter e necesidades nacionais por unha banda, e a cultura europea por outra."

O programa estético do grupo seguiu as tendencias da literatura finesa, francesa, alemá, escandinava e italiana da época, incluíndo elementos do impresionismo, o simbolismo e o expresionismo. A Revolución Rusa de 1917 dispersou os membros do movemento, e algúns fuxiron ao exilio. Tuglas fuxiu a Helsinqui e Aavik e Suits marcharon a Suecia.

O grupo tamén funcionou como editorial e publicou cinco antoloxías de Noor-Eesti entre 1905 e 1915.

Véxase tamén

Bibliografía

• Kaus, Jan (2011). Le monde de la littérature estonienne (en francés). Talín: Eesti Instituut. ISBN 978-9949-9160-1-6. 

Outros artigos

• Siuru