Noé Carrillo
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 28 de decembro de 2006  (19 anos)Teo | ||||||||||||||||||||||||||||||||||
| Grupo étnico | Pobo galego | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| |||||||||||||||||||||||||||||||||||
Noé Carrillo Collazo, nado en Teo o 28 de decembro de 2006, é un futbolista galego que xoga na posición de centrocampista. O seu equipo actual é o Deportivo Fabril da Segunda Federación.
Traxectoria
[editar | editar a fonte]Comezou a súa carreira deportiva no Club San Francisco Teo, inicialmente na disciplina de fútbol sala. Con 6 anos pasou a xogar ao fútbol no Praíña Sporting Club e posteriormente no Santiago de Compostela Club de Fútbol. En 2018, tras a absorción do Santiago por parte do CD Conxo Santiago, comezou a formarse neste equipo. En 2019 ingresou nas categorías inferiores do Deportivo da Coruña.[1]
O 6 de xuño de 2024, Carrillo renovou o seu contrato co equipo coruñés até 2027.[2] O 31 de agosto dese ano debutou co Deportivo Fabril nun partido de Segunda Federación contra o Real Ávila, entrando como substituto nos 13 minutos finais. A pesar de ser titular habitual durante os seguintes meses, en novembro de 2024 sufriu unha lesión de xeonllo que o retirou dos terreos de xogo durante o resto da tempada.[3][4]
En xullo de 2025, Carrillo reincorporouse no Fabril e xogou 6 partidos consecutivos co filial coruñés. Con todo, debeu retirarse novamente durante dous meses por mor dunha lesión de nocello.[4][5] O 16 de decembro de 2025 tivo lugar a súa estrea co Deportivo da Coruña, entrando como substituto de Diego Villares nun partido dos dezaseisavos da Copa do Rei 2025/26. Neste encontro ante o RCD Mallorca, Carrillo anotou o gol decisivo que lle deu a vitoria ao club galego por 1-0 e que lle permitiu avanzar aos oitavos de final da Copa do Rei por primeira vez en 10 anos.[6][7][8]
Notas
[editar | editar a fonte]- ↑ "Noé, el niño que entendía el fútbol" (en castelán). DxT Campeón. 17 de decembro de 2025. Consultado o 17 de decembro de 2025.
- ↑ "Noé Carrillo, deportivista hasta 2027" (en castelán). Deportivo da Coruña. 6 de xuño de 2024. Consultado o 17 de decembro de 2025.
- ↑ "Noé Carrillo, el «tapado» de «pico y pala» que ha asaltado el Fabril" (en castelán). La Opinión A Coruña. 26 de outubro de 2024. Consultado o 17 de decembro de 2025.
- 1 2 "Noé Carrillo, el "diferente" de Abegondo al que las lesiones no han podido marchitar" (en castelán). DxT Campeón. 17 de decembro de 2025. Consultado o 17 de decembro de 2025.
- ↑ "Noé Carrillo desde cuatro prismas: el regreso de un fabrilista que ilusiona" (en castelán). DxT Campeón. 8 de decembro de 2025. Consultado o 17 de decembro de 2025.
- ↑ "Bil prende el fuego y Noé cocina a los 'dimonis'" (en castelán). DxT Campeón. 17 de decembro de 2025. Consultado o 17 de decembro de 2025.
- ↑ "Abegondo prepara su nueva hornada: Noé, Nsongo… y Samu" (en castelán). Diario AS. 17 de decembro de 2025. Consultado o 17 de decembro de 2025.
- ↑ "Noé, el sexto canterano que debuta esta temporada, mete al Dépor en octavos de la Copa diez años después" (en castelán). Deportivo da Coruña. 16 de decembro de 2025. Consultado o 17 de decembro de 2025.
Véxase tamén
[editar | editar a fonte]Ligazóns externas
[editar | editar a fonte]- Noé Carrillo en BDFutbol
- Noé Carrillo en LaPreferente.com
- Noé Carrillo en Soccerway
| Control de autoridades |
|
|---|
