Nino Khurtsidze

Nino Khurtsidze
Nome completo	Nino Khurtsidze
Nacemento	28 de setembro de 1975
Lugar de nacemento	Tbilisi
Falecemento	23 de abril de 2018
Lugar de falecemento	Tbilisi
Causa	cancro
Nacionalidade	Xeorxia e Unión Soviética
Ocupación	xadrecista
[ editar datos en Wikidata ]

Nino Khurtsidze, nada o 28 de setembro de 1975 e finada o 22 de abril de 2018 en Tbilisi, foi unha xogadora de xadrez xeorxiana .

Traxectoria

Campioa do mundo júnior feminina en 1993 e mais en 1995, tiña o título de mestre internacional (mixto) desde 1999. Gañou o campionato de Xeorxia mixto en 1998, e o campionato xeorxiano feminino cinco veces (1989, 1993, 2005, 2006 e 2013). Chegou a cuartos de final no campionato do mundo de xadrez feminino en dúas ocasións (2001 e 2006). En 2004 rematou segunda no Open de Essen (mixto), detrás do gran mestre internacional ruso Evgeny Shaposhnikov.

O 1 de outubro de 2016 estaba clasificada como o 51º xedrecista do mundo e a quinta de Xeorxia cunha clasificación Elo de 2415.

Competicións por equipo

Nino Khurtsidze representou a Xeorxia en cinco olimpíadas entre 1998 e 2012, gañando unha medalla de prata por equipo (en 2000), unha medalla de bronce por equipo (en 1998) e unha medalla de ouro individual en 2000. Igualmente participou en tres campionatos do mundo femininos por equipo (2007, 2011 e 2013), gañando a medalla de bronce por equipo en 2011.