New York Five

Na Galipedia, a Wikipedia en galego.
Saltar ata a navegación Saltar á procura
Museo d´art Contemporari de Barcelona (MACBA) de Richard Meier.

New York Five ( ou The Five Architects) é un grupo de arquitectos formado por John Hejduk, Peter Eisenman, Richard Meier, Michael Graves e Charles Gwathmey.

Historia e características[editar | editar a fonte]

No ano 1972 publícase un libro de fotografías en branco e negro que recolle o traballo arquitectónico dos cinco arquitectos titulado Five Architects[1][2], de aí o nome do grupo. Esas fotografías xa formaran parte, uns poucos anos antes, dunha exposición para o MOMA. O libro foi publicado en 1975 por Oxford Press, alcanzando moita máis notoriedade.

Ocasionalmente reciben o alcume de Brancos (Whites) en referencia a súa rivalidade co grupo dos Grises (Greys), integrado por Romaldo Giurgola, Allan Greenberg, Charles Moore, Jaquelin T. Robertson e Robert A. M. Stern, que no ensaio "Five on Five", publicado na revista Architectural forum,[Cómpre referencia] acusaban o grupo de Hejduk e compañía de non ter en conta nin a contorna, nin os usuarios nin a funcionalidade nos seus edificios.

Os New York Five en Galicia[editar | editar a fonte]

En Galicia hai tres obras deste grupo de arquitectos, as tres en Santiago de Compostela: dúas delas no monte Gaiás, a Cidade da Cultura de Peter Eisenman e as Torres Hejduk, e o edificio do centro sociocultural A Trisca no barrio de San Pedro, estes dous últimos de John Hejduk[3].

Ademais Peter Eisenman tamén planificou un redeseño do estadio de Riazor que nunca chegou a concretarse[4].

Notas[editar | editar a fonte]

  1. Goldberger, Paul (1996-02-11). "ARCHITECTURE VIEW;A Little Book That Led Five Men to Fame". The New York Times. ISSN 0362-4331. Consultado o 2017-04-11. 
  2. Five architects: Eisenman, Graves, Gwathmey, Hejduk, Meier. [New York]: Wittenborn. 1972. ISBN 9780815004226. 
  3. "Centro Sociocultural da Trisca | Web Oficial de Turismo de Santiago de Compostela e os seus Arredores". www.santiagoturismo.com. Consultado o 2020-04-29. 
  4. www.laopinioncoruna.es https://www.laopinioncoruna.es/coruna/2015/01/04/guggenheim-sonado-lendoiro/914533.html. Consultado o 2020-04-29.  Falta o |title= (Axuda)