New Kids on the Blecch

Na Galipedia, a Wikipedia en galego.
Saltar ata a navegación Saltar á procura

New Kids on the Blecch é un episodio pertencente á tempada 12 da serie animada The Simpsons, estreado nos Estados Unidos pola cadea Fox o 25 de febreiro de 2001.[1] Foi escrito por Tim Long, dirixido por Steven Dean Moore, e as estrelas convidadas foron 'N Sync como si mesmos. No episodio, Bart únese a unha banda só creada co propósito de recrutar xente para a Armada dos Estados Unidos.

Sinopse[editar | editar a fonte]

Todo comeza con Homer, quen desexa participar nunha maratón para mellorar fisicamente. Durante a maratón Homer non aguanta a carreira, mais no seu intento de sabotar todo, Bart súmase á carreira no traxecto final e gaña a competencia. Cando a acción deshonesta de Bart é descuberta, todos esixen xustiza e prefiren facer dano a Bart. De súpeto, aparece un coche manexado por un home descoñecido. Bart opta por ir con devandito suxeito denantes de ser agredido polos competidores.

Tras levalo a casa, o estraño revela a súa identidade como L. T. Smash. L. T. ofrécelle a Bart unha carreira como membro dunha banda chamada "Party Posse". Marge e Homer analizan a opción e están de acordo coa idea de Smash.

Bart acepta, e convértese no cuarto membro da banda, sumado a Nelson Muntz, Ralph Wiggum e o seu mellor amigo, Milhouse Van Houten. Pronto, a Party Posse fanlle algúns arranxos, modificando as voces dos cantantes cun aparello chamado Studio Magic desenvolvido pola NASA. Ninguén ten unha voz boa como pra cantar ben, polo que o éxito da banda depende exclusivamente do aparello. Tras estes axustes, a banda ten un rotundo éxito a tal punto que os mesmos NSYNC felicítanos pola súa fama.

Algúns días despois, sácase unha nova canción de Party Posse titulada "Drop da Bomb" (Tira a bomba), a cal contén unha letra sospeitosa, onde o coro repetía o retrouso "YVAN EHT NIOJ". Lisa cre que iso é algo estraño, polo que empeza a investigar. Todo termina nunha canción con mensaxes subliminares, destinada a recrutar xente pra unirse á Mariña, xa que "Yvan Eht Nioj" é "Join the Navy" (Únete á Mariña) escrito ao revés. Lisa non só descobre que Bart era enganado pola Mariña, senón que tamén se decata de que L. T. Smash é, en realidade, o Tenente Smash (en inglés: Lieutenant Smash). El dille que estaba a traballar en recrutar xente pra Mariña dos Estados Unidos. Lisa fálalles dos seus descubrimentos a Marge e a Homer, pero eles non lle fan caso, xa que opinan que estaba celosa de Bart.

Os eventos vólvense máis evidentes cando Party Posse realiza un show nun portaavións, mais ninguén, ademais de Lisa, nota a relación da banda coa Mariña. Cando a banda está a interpretar a primeira canción (a cal tamén contén mensaxes subliminares), L. T. é informado polo seu superior que a próxima edición da revista MAD tería como obxectivo destruír o éxito de Party Posse, arruinando todo o poder de recrutamento do grupo. O superior de L. T. decide terminar co "Proxecto da Banda Xuvenil", apagando o aparello que modificaba as voces dos nenos, expoñendo ante o público as verdadeiras voces, que soaban mal, e isto fai que o público abandone o barco.

L. T. se rehúsa a aceptar as accións do seu superior, e leva o barco portaavións cara a outro lado. Cando o barco comeza a moverse, o público que fora a ver á banda, asustado, vaise do portaavións. As únicas persoas que fican a bordo eran os membros de Party Posse e Homer (quen estivera no baño todo o tempo). L. T. leva o barco cara á cidade de Nova York, pra destruír o edificio da revista MAD. Malia o intento de NSYNC pra deter a L. T., este destrúe o edificio de MAD cos mísiles do barco, mais as accións do militar só logran revigorizar aos editores da revista, quen sobreviven ao ataque. Pronto, L. T. é arrestado, denantes de que Bart, Nelson, Milhouse e Ralph descubrisen que Party Posse ía ser famosa tan só con saír na portada de MAD.

O episodio remata cos NSYNC regresando no portaavións a Springfield, quen recomendan que os espectadores sexan parte da Mariña, tomando en conta os seus logros a tal grao de que o integrante da banda chamado JC Chasez foi enlistado á Mariña contra a súa vontade.

Referencias culturais[editar | editar a fonte]

  • O grupo Party Posse é unha parodia do grupo xuvenil New Kids on the Block así como tamén as boy band moi de moda ao momento da realización do episodio tales como Backstreet Boys, NSYNC, 5ive, Westlife etc. O título do episodio é un xogo de palabras entre "New Kids on the Block" e "Blecch", unha palabra de desgusto utilizada a miúdo pola revista MAD, a cal aparece no episodio.
  • Cando os NSYNC aparecen pódese escoitar a canción «No Strings Attached» do grupo, pertencente ao seu segundo álbum de estudio No Strings Attached do ano 2000.
  • A mensaxe subliminar de "Únete á Mariña" (Join the navy, lido ao revés "Yvan eht nioj") é unha referencia da canción "In the Navy" de The Village People, a cal foi comisionada pola Mariña estadounidense pra axudar ao recrutamento.
  • O vídeo musical de "Drop da Bomb" é dirixido por Ang Lee.

Notas[editar | editar a fonte]

  1. "New Kids on the Bleech". The Simpsons.com. Arquivado dende o orixinal o 27 de marzo de 2009. Consultado o 31 de xaneiro de 2021.