Neroli Fairhall
| Biografía | |
|---|---|
| Nacemento | 26 de agosto de 1944  Christchurch, Nova Zelandia |
| Morte | 11 de xuño de 2006 (61 anos) Wellington, Nova Zelandia |
| Actividade | |
| Ocupación | arqueira, atleta, atleta paralímpica |
| Nacionalidade deportiva | Nova Zelandia |
| Deporte | tiro con arco atletismo |
| Adestrado por | Dave Henshaw (en)  |
| Participou en | |
| outubro de 2000 | Jogos Paralímpicos de Verão de 2000 (pt) |
| outubro de 1988 | Jogos Paralímpicos de Verão de 1988 (pt) |
| 28 de xullo de 1984 | Xogos Olímpicos de 1984 |
| xuño de 1980 | Jogos Paralímpicos de Verão de 1980 (pt) |
| agosto de 1972 | Jogos Paralímpicos de Verão de 1972 (pt) |
| Premios | |
 | |
Neroli Susan Fairhall MBE, nada en Christchurch o 26 de agosto de 1944 e finada o 11 de xuño de 2006, foi unha atleta de Nova Zelandia e a primeira competidora parapléxica nos Xogos Olímpicos.
Traxectoria
[editar | editar a fonte]Fairhall comezou a practicar tiro con arco após dun accidente de moto que a deixou paralizada de cintura para abaixo, acabando coa súa carreira atlética anterior. Foi quen de competir nos Xogos Olímpicos de 1984 e acadou o posto número 35. Fairhall foi a primeira parapléxica que competiu nos Xogos Olímpicos.[1]
Fairhall gañou a medalla de ouro cando se introduciu o tiro con arco por primeira vez nos Xogos da Commonwealth en Brisbane en 1982.
Foi campioa nacional por moitos anos e gañou medallas e títulos nos Xogos Paralímpicos, os Campionatos do Mundo de Tiro con Arco e outros torneos internacionais. Participou nos Xogos Paralímpicos de 1972, en 1980, en 1988 e 2000. Nos seus primeiros xogos competiu en atletismo.[2] Nos Xogos Paralímpicos de 1980 participou en atletismo e tiro con arco, gañando unha medalla de ouro neste último. Nos Xogos Paralímpicos de 1988 e de 2000 só competiu en tiro con arco.
En 1983, Fairhall foi galardoada como membro da Orde do Imperio Británico pola súa contribución ao tiro con arco e ás persoas con discapacidade.[3] Continuou adestrando no seu club de tiro con arco en Christchurch despois de retirarse. Morreu o 11 de xuño de 2006 con 61 anos por unha doenza relacionada coa súa discapacidade.[1]
Notas
[editar | editar a fonte]- ↑ 1,0 1,1 "Tributes flow for archery legend Fairhall". The New Zealand Herald. 13 de xuño de 2006. Consultado o 20 de xullo de 2020.
- ↑ "Archived copy". Arquivado dende o orixinal o 18 de xuño de 2006. Consultado o 20 de xullo de 2020.
- ↑ "The London Gazette". London Gazette (49214). 31 de decembro de 1982. p. 48.
Véxase tamén
[editar | editar a fonte]Ligazóns externas
[editar | editar a fonte]- Perfil de Neroli Fairhall en olympic.org.nz (en inglés)
- Perfil de Neroli Fairhall na páxina do Comité Olímpico Internacional (en inglés)
- Neroli Faihall en paralympics.org.nz (en inglés)
- Perfil de Neroli Faihal na páxina do Comité Paralímpico Internacional (en inglés)
| Control de autoridades |
|
|---|
