A neopsicodelia é un xénero musical que emula ou está fortemente inflenciado pola música psicodélica da década dos 60. Comezou a rexurdir entre as andas británicas de post-punk de finais dos anos 70 e de comezos dos 80 e foi adoptado por grupos das escenas Paisley Underground e Madchester, ademais de obter un interese ocasional por parte de artistas do mainstream e bandas do novo milenio.
Os artista de neopsicodelia colleron prestados unha boa cantidade de elementos da música psicodélica dos 60. Algúns imitaron o pop psicodélico de bandas como The Beatles e Pink Floyd nos seus primeiros tempos, outros adoptaron as guitarras de bandas de folk rock como The Byrds, ou as formas improvisadas e distorsionadas e experimentación de bandas de acid rock de finais dos 60. Algúns artistas de neopsicodelia centráronse unicamente no uso e experimentación coas drogas, mentres que outros usáron isto para acompañar as súas letras políticas ou surrealistas.
