Neoloxismo

Neoloxismo
Instancia de uso da linguaxe
Subclase de termo
Estudado por sociolingüística
Practicado por neoloxista
Parcialmente coincidente con lingua da cultura pop
Oposto a arcaísmo
Caracterizado por novidade
Fontes e ligazóns
Descrito pola fonte Enciclopedia soviética armenia, volume 8 pp. 374 Encyclopedia of Linguistics (en) pp. 294 Soziolinguistika Hiztegia Novo Dicionario Enciclopédico, 1911-1916 Q44723194 Pequeno Dicionario Enciclopédico de Brockhaus e Efron Q24790936 Dicionario Enciclopédico Brockhaus e Efron Q24466455
Wikidata C:Commons

Un neoloxismo é unha palabra ou expresión de creación recente nunha lingua ou collida prestada, dende hai pouco, doutra lingua. Con frecuencia relaciónase cunha innovación técnica ou cultural na sociedade. Unha palabra nace xeralmente cando xorde unha nova realidade que esixe ser nomeada, como inventos e descubrimentos, e tamén para nomear novos fenómenos políticos, económicos ou culturais.

Un termo novo é un neoloxismo con respecto á época en que xorde; logo, e tendo en conta certos parámetros, deixa de selo.

Algúns sosteñen que a creación de neoloxismos prodúcese por modas e por necesidades de novas denominacións. Dende o punto de vista do purismo, hai neoloxismos innecesarios, como os que alongan as palabras converténdoas en arquisílabas, pero tamén hai outros neoloxismos necesarios como, por exemplo, bonobús ou seropositivo. Porén, outros especialistas cren que os neoloxismos dinamizan a lingua e mantéñena viva.

Hoxe en día, os medios de comunicación son os principais propagadores dos neoloxismos e dos préstamos lingüísticos. Algúns destes termos teñen unha vida efémera.