Natalia Kuchinskaia

Natalia Kuchinskaia
	; (1967)
Biografía
Nacemento	8 de marzo de 1949 (76 anos); San Petersburgo, Rusia
Educación	Liceo Físico e Matemático 239
Altura	158 cm
Peso	48 kg
Actividade
Ocupación	ximnasta artística
Deporte	ximnasia artística
Participou en
1968	gymnastics at the 1968 Summer Olympics – women's artistic individual all-around (en) (Medalla de bronce olímpica)
1968	gymnastics at the 1968 Summer Olympics – women's balance beam (en) (medalla de ouro olímpica)
1968	gymnastics at the 1968 Summer Olympics – women's floor (en) (Medalla de bronce olímpica)
Premios
	Mestre emérito do deporte da Unión Soviética ;

Natalia Alexandrovna Kuchinskaia (ruso: Наталья Александровна Кучинская), tamén coñecida como Natasha Kuchinskaia (ruso: Наташа Кучинская), nada en Leningrado o 8 de marzo de 1949, é unha ximnasta rusa retirada. Gañou catro medallas nas Olimpíadas de 1968 na Cidade de México.

Traxectoria na ximnasia

Kuchinskaia naceu o 8 de marzo de 1949 en Leningrado e foi seleccionada para unha clase de ximnasia cando aínda estaba en preescolar.^[1] Inicialmente aspiraba a ser bailarina de ballet, mais os pais, ambos implicados no mundo do deporte, convencérona para estudar ximnasia.^[1] Adestrou con Vladimir Reyson e mais con Larissa Latynina, quen anos despois se converteu en adestradora do equipo nacional.^[1]

En 1965, con 16 anos, Kuchinskaia era campioa da URSS. No Mundial de 1966, despois de gañar o seu segundo título nacional e a Copa da URSS, consolidouse como unha das estrelas do equipo soviético. Gañou a medalla de ouro en tres dos catro aparatos (barra de equilibrio, barras asimétricas e solo), a de bronce en poldro e a de prata por equipo e no concurso xeral. Kuchinskaia continuou a sumar vitorias en 1967. Gañou a previa das Olimpíadas en Cidade de México e arrasou no campionato da URSS, no que logrou o ouro en todos os aparatos e no concurso xeral.^[2]

Nas Olimpíadas de 1968, Kuchinskaia era probabelmente a máis popular do equipo soviético. Rematou en terceiro lugar no concurso xeral, detrás de Věra Čáslavská e da súa compañeira de equipo Zinaida Voronina. Tamén logrou a medalla de ouro na barra de equilibrio e a de equipo, así como a de bronce en solo. Foi bautizada como «A Noiva de México» e «O encanto de México» por unha prensa que a admiraba. Ademais, cantáronlle unha serenata cunha canción folk, «Natalie», durante a súa estadía en Cidade de México.^[3]

As olimpíadas foron a última competición de Kuchinskaia. No momento, a súa retirada repentina foi atribuída a unha doenza da tiroide. Nunha entrevista a finais da década de 1990 revelou que tamén perdera a motivación polo deporte.^[1]

Despois da ximnasia

Tras retirarse, Kuchinskaia foi adestradora na URSS, o Xapón e os Estados Unidos. Casou en 1980 co óptico Alexander Kotliar e dende entón vive e adestra nos EUA, onde ten o seu propio club de ximnasia en Illinois. En 1999 apareceu no episodio «Soviet Sport War» do documental de PBS The Red Files. Nel fala das súas experiencias negativas na ximnasia soviética.^[1] En 2006 foi incluída no Salón da Fama da Ximnasia Artística.^[4]

Palmarés

Ano	Evento	CX	Equipo	P	BA	BE	S
1965	Campionato da URSS	1º				1º
1965	Copa da URSS	2º
1966	Campionato mundial	2º	2º	3º	1º	1º	1º
	Campionato da URSS	1º			2º	1º	1º
	Copa da URSS	1º
1967	Campionato europeo					2º	2º
1967	Campionato da URSS	1º		1º	1º	1º	1º
1968	Campionato da URSS	1º