Nasrin Sotoudeh
 (2012)  | |
| Biografía | |
|---|---|
| Nacemento | 30 de maio de 1964 (60 anos) Provincia de Teherán, Irán |
| Relixión | Islam e xiísmo duodecimano |
| Educación | Universidade Shahid Beheshti |
| Actividade | |
| Campo de traballo | Dereitos humanos |
| Ocupación | avogada |
| Familia | |
| Cónxuxe | Reza Khandan |
| Cronoloxía | |
| prisioneiro de conciencia
| |
| Premios | |
| |
 | |
Nasrin Sotoudeh (en persa: نسرین ستوده), nada en Langarud o 30 de maio de 1963, é unha avogada polos dereitos humanos iraniana. Representou activistas e políticos da oposición iraniana encarcerados tralas disputadas eleccións presidenciais iranianas de xuño de 2009 e os presos condenados a morte por crimes cometidos cando eran menores.[1] Entre os seus clientes estiveron a xornalista Isa Saharkhiz, a premio Nobel da Paz Shirin Ebadi e Heshmat Tabarzadi.[2] Tamén representou mulleres arrestadas por aparecer en público sen hijab, o que é un delito punible en Irán.[3]
Traxectoria
[editar | editar a fonte]Sotoudeh foi arrestada en setembro de 2010 acusada de difundir propaganda e conspirar para prexudicar a seguridade do estado[1] e foi encarcerada en illamento na prisión de Evin.[4] En xaneiro de 2011, as autoridades iranianas condenaron a Sotoudeh a 11 anos de prisión, ademais de prohibirlle exercer a avogacía e abandonar o país durante vinte anos. Máis adiante ese ano, un tribunal de apelación reduciu a súa condena a seis anos e a prohibición da práctica a dez anos.
En xuño de 2018, foi detida de novo e, o 12 de marzo de 2019, condenada a prisión en Teherán, tras ser acusada de varios delitos relacionados coa seguridade nacional. Mentres un xuíz de Teherán dixo á Axencia de Noticias da República Islámica que estivo encarcerada durante sete anos, outras fontes informaron de que a pena máxima incluía dez anos de prisión e 148 lategazos, xunto con outros seis vereditos e penas que sumaban un total de 38 anos agrupados. Non obstante, a condena foi reducida posteriormente a 10 anos en total.
En 2021, foi nomeada entre as 100 persoas máis influentes do mundo pola revista Time.[5] Foi liberada cun permiso médico en xullo de 2021.[6]
Filmes
[editar | editar a fonte]Sotoudeh aparece no filme Taxi do director Jafar Panahi, cando senta no coche de Panahi de camiño a visitar un cliente encarcerado. Nasrin Sotoudeh foi o tema do documental de 2020 Nasrin, filmado en segredo en Irán sobre as "batallas en curso de Sotoudeh polos dereitos das mulleres, a infancia e as minorías".[7]
Notas
[editar | editar a fonte]- ↑ 1,0 1,1 "Iran opposition lawyer Nasrin Sotoudeh detained". BBC News (en inglés). 9 de setembro de 2010. Consultado o 23 de outubro de 2010.
- ↑ "Iran: Lawyers' defence work repaid with loss of freedom". Human Rights Watch. 1 de outubro de 2010. Arquivado dende o orixinal o 13 de outubro de 2012. Consultado o 26 de abril de 2011.
- ↑ "Nasrin Sotoudeh: Iranian human rights lawyer jailed for 38 years, say family". BBC News. 12 de marzo de 2019. Consultado o 12 de marzo de 2019.
- ↑ "Jailed Iran Lawyer 'Gets Family Visit, Ends Hunger Strike'". Radio Farda. 26 de outubro de 2010. Arquivado dende o orixinal o 22 de outubro de 2012. Consultado o 27 de outubro de 2010.
- ↑ "Nasrin Sotoudeh: The 100 Most Influential People of 2021". Time (en inglés). Consultado o 2021-09-18.
- ↑ "Iran Releases Rights Lawyer Sotoudeh For Five-Day Health Treatment Leave". Radio Free Europe/Radio Liberty. 22 de xullo de 2021. Consultado o 2 de agosto de 2023.
- ↑ Catsoulis, Jeannette (17 de decembro de 2020). "'Nasrin' Review: Righting Wrongs in Iran". NYT (en inglés). Consultado o 22 de decembro de 2020.
