Nancy Grace Roman Space Telescope
| Nancy Grace Roman Space Telescope | |||
|---|---|---|---|
 Modelo renderizado do telescopio en maio de 2020 | |||
| Descrición | |||
| Tipo | Telescopio | ||
| Operador(es) |  NASA
| ||
| Website | Roman Space Telescope/NASA | ||
| Duración da misión | 5 anos, podendo se prolongar | ||
| Masa | 4,166 kg + 2'1 kg | ||
| Potencia eléctrica |
2.5 kW | ||
| Misión | |||
| Contratante(s) | |||
| Data de lanzamento | Maio de 2027 | ||
| Vehículo de lanzamento | NSSL | ||
| Local de lanzamento | Cabo Canaveral | ||
 Portal Astronomía
| |||
O Telescopio Espacial Nancy Grace Roman (en inglés Nancy Grace Roman Space Telescope, antes nomeado Wide Field Infrared Survey Telescope (WFIRST)) é un futuro observatorio espacial infravermello recomendado en 2010 polo Comité Decadal Survey do Consello Nacional de Investigación dos Estados Unidos como a máxima prioridade para a próxima década da astronomía.[1][2]
Cronoloxía[editar | editar a fonte]
O 17 de febreiro de 2016, WFIRST converteuse formalmente nunha misión da NASA.
O 20 de maio de 2020, a NASA anunciou que o telescopio levaba o nome de Nancy Roman.
O lanzamento está previsto para 2027.
Configuración[editar | editar a fonte]
WFIRST baséase nun telescopio existente de 2,4 metros de diámetro (orixinalmente destinado a un satélite espía da Oficina Nacional de Recoñecemento) e levará dous instrumentos científicos.[3] O Wide Field Instrument é unha cámara de infravermellos próximos multibanda de 288 megapíxeles. O coronógrafo é unha cámara e un espectrómetro de alto contraste cun pequeno campo de visión que cobre lonxitudes de onda visibles e do infravermello próximo.
O deseño de WFIRST baséase nun dos deseños propostos para a "Joint Dark Energy Mission" (Misión Conxunta de Enerxía Escura) entre a NASA e o DOE. WFIRST engade algunhas funcións adicionais á proposta orixinal de JDEM, incluíndo a procura de exoplanetas con microlentes gravitacionais.
Obxectivos[editar | editar a fonte]
Na súa encarnación actual (2015), unha gran parte da misión principal centrarase en examinar a historia de expansión do universo e o crecemento da estrutura cósmica usando varios métodos en intervalos de desprazamento ao vermello superpostos. O obxectivo é medir con precisión os efectos da enerxía escura, a consistencia da teoría xeral da relatividade e a curvatura do espazo-tempo. Outra parte da misión consiste na procura de planetas extrasolares.
Notas[editar | editar a fonte]
- ↑ "Introduction to Nancy Grace Roman Space Telescope". roman.gsfc.nasa.gov. Consultado o 9 de abril de 2022.
- ↑ "WFIRST: A Wider Gaze on the Cosmos". Consultado o 2022-04-09.
- ↑ "Telescopes of the future". 17-2-2017. Consultado o 9 de abril de 2022.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
 |
Wikimedia Commons ten máis contidos multimedia na categoría: Nancy Grace Roman Space Telescope |