Nana Alexandria

Na Galipedia, a Wikipedia en galego.
Nana Alexandria
Nome completoნანა ალექსანდრია
Nacemento13 de outubro de 1949
Lugar de nacementoPoti
NacionalidadeUnión Soviética e Xeorxia
Ocupaciónxadrecista
FillosGiga Bokeria
PremiosOrde da Insignia de Honra e Mestre Honorário de Desportos da União Soviética
editar datos en Wikidata ]

Nana Alexandria (xeorxiano: ნანა გიორგის ასული ალექსანდრია, Nana Giorgis asuli Aleksandria), nada en Poti (RSS de Xeorxia, URSS) o 13 de outubro de 1949, é unha xadrecista xeorxiana. Amais de ser tres veces vencedora do Campionato Soviético Feminino de Xadrez, competiu en dúas ocasións no Mundial Feminino de Xadrez.

Traxectoria[editar | editar a fonte]

Akhmilovskaya, Gaprindashvili, e Alexandria na Olimpíada de Xadrez de Dubai 1986

Alexandria foi campioa feminina da URSS en 1966, 1968 (compartido) e 1969. Competiu no Mundial Feminino de Xadrez en 1975 e 1981. En 1975 perdeu ante Nona Gaprindashvili (+3 =1 −8) e en 1981 empatou con Maia Chiburdanidze (+4 =8 −4), quen retivo o título de campioa. Alexandria xogou co equipo nacional soviético nas Olimpíadas Femininas de Xadrez de Lublin 1969, Medellín 1974, Buenos Aires 1978, A Valeta 1980, Lucerna 1982 e Dubai 1986.[1] Xunto con outras xogadoras contribuíu á hexemonía da URSS nas Olimpíadas Femininas de Xadrez da década de 1980.

A FIDE outorgoulle o título de Mestra Internacional Feminina en 1966 e o de Gran Mestra Feminina en 1976. En 1995 recibiu o título de Árbitra Internacional. Foi a presidenta da comisión feminina da FIDE entre 1986 e 2001.

Vida persoal[editar | editar a fonte]

É a nai do político xeorxiano Giga Bokeria.[2]

En 2021 Alexandria apareceu no documental Glory to the Queen xunto con Nona Gaprindashvili, Maia Chiburdanidze e Nana Ioseliani.[3]

Notas[editar | editar a fonte]

  1. "Women's Chess Olympiads - Nana Alexandria". OlimpBase (en inglés). Consultado o 24 de febreiro de 2023. 
  2. "Recommendations and Assessments from European Perliament". Georgian Journal (en inglés). 24 de novembro de 2011. Consultado o 24 de febreiro de 2023. 
  3. "Glory to the Queen (2020)". IMDb (en inglés). Consultado o 24 de febreiro de 2023. 

Véxase tamén[editar | editar a fonte]

Ligazóns externas[editar | editar a fonte]