Naira

Na Galipedia, a Wikipedia en galego.
Naira
Nigerian naira (inglés)
Código: NGN
Ámbito: Flag of Nigeria.svg Nixeria
Símbolo:
Fracción: 100 kobo
Moedas: 50 kobo
1 e 2 naira
Billetes: 5, 10, 20, 50, 100, 200, 500 e 1000 naira
Emisor: Banco Central de Nixeria
Taxa de troco:
27-04-2011
1 EUR = 228,384 NGN
1 USD = 154,47 NGN
Troco actual

O naira é a moeda de curso legal de Nixeria. O seu código ISO 4217 é NGN (abreviado co símbolo , que está incluído no Unicode no código punto U+20A6). Cada naira divídese en 100 kobo.

O nome da moeda vén dunha alteración do nome do país, Nixeria (en inglés pronunciado [naj'dʒiria]), mentres que o da fracción vén da pronunciación ioruba do inglés copper ("cobre"), material co que se facían os peniques, a antiga moeda fraccionaria.

Aproveitando a decimalización da moeda en 1973, Nixeria sustituíu a libra nixeriana (N£) polo naira a razón de 2 ₦ por N£. Foi, xa que logo, o último estado que abandonou o sistema predecimal de chelíns e peniques.

En inglés, nin a moeda nin a súa fracción non se pluralizan, de xeito que tanto nas moedes como nos billetes empréganse as formas naira e kobo tanto para o singular como para o plural.

Historia[editar | editar a fonte]

Na época da crise enerxética, contro os anos '70 o naira era unha moeda forte a nivel internacional e a súa taxa de troco era de 2 narias por dólar. Mais foi perdendo valor progresivamente ata chegar no 2005 a unha taxa de troco de 130 nairas por dólar. A pesar de todo o naira é aceptado fácilmente polos seus países veciños. Está previsto que o naira sexa remprazado polo Eco, a futura moeda do oeste africano.

Moedas[editar | editar a fonte]

A serie de moedas actualmente en circulación foi acuñada no ano 2006, anteriormente tamén circulaban moedas de 1/2, 1, 5, 10 e 25 kobo (retiradas no 2007), o valor facial encóntrase no reverso xunto ao motivo especificado. Aínda que estas moedas acuñadas no 2006 están destinadas a fomentar o emprego dos cartos en metálico en lugar dos de papel, o obxectivo non foi cumprido, xa que a día de hoxe é extraño atoparse en circulación algunha moeda, a que os prezos están redondeados a unha cifra mínima de 5 Nairas.


Billetes[editar | editar a fonte]

Existen billetes en circulación coas denominacións de 5, 10, 20, 50, 100, 200, 500 e 1.000 nairas. Nos billetes aparece escrito o nome da moeda en caracteres árabes (نايرا), alfabeto co que se escribe tradicionalmente o haussa, unha das linguas oficiais de Nixeria.

Véxase tamén[editar | editar a fonte]

Ligazóns externas[editar | editar a fonte]