Nagoia

Nagoia
名古屋市
Vistas da cidade
Localización
Nagoia
País	Xapón
Rexión	Chūbu
Prefectura	Prefectura de Aichi
Xeografía
Altitude	5 msnm
Superficie	326,43 km²
Demografía
Poboación	2.266.249 hab. (2011)
Densidade	hab/km²
Outros datos
Alcalde	Takashi Kawamura
Páxina oficial de Nagoia

Nagoia (en xaponés 名古屋市, なごやし, Nagoya-shi) é unha cidade e porto de Xapón, centro da terceira aglomeración do país tras Toquio e Osaka, capital da prefectura de Aichi. En setembro de 2012, a cidade tiña unha poboación duns 2.266.693 habitantes, cunha densidade de 6.940 habitantes / km² nunha área de 326 km².

Situada no fondo da Baía de Ise, que se abre ao Pacífico, no centro da Illa de Honshu, goza desa posición estratéxica entre as dúas grandes megalópoles xaponesas, a de Tokyo ao nordeste e a de Osaka ao suroeste.

Ten a súa orixe na construción dun castelo en 1610 polo poderoso clan dos Tokugawa cando estabeleceron o réxime do terceiro shogunato no Xapón.

A cidade moderna coñecida como Nagoia (ás veces transcrito Nagoya) foi fundada oficialmente o 1 de outubro de 1889, após o período Edo. Nesas datas entre a restauración Meiji e o paso ao Xapón Imperial desenvólvese en Nagoia a porcelana de Kawana e conéctase a cidade coa rede de ferrocarril. Antes da IIGM convértese nun foco industrial produtor de automóbiles, e no transcurso da guerra, en 1945 foi completamente destruída.

En 2005 foi sede da Exposición Universal de Aichi en terreos ao nordés da cidade.

Economía

Nagoia é o centro da Gran Nagoia, que representou case o 70% do superávit comercial do Xapón a principios deste século.

A principal industria é a do automóbil. A marca Lexus de Toyota, unha división de I+D de Mitsubishi Motors e moitos provedores como Denso, Aisin Seiki Co. Magna, PPG ou JTEKT teñen a súa sede en Nagoia ou nos suburbios.

Outras empresas importantes son NGK, Nippon SHARYO (fabricante dos trens bala eléctricos Shinkansen e Hoshizaki), Marukawa (alimenticia) e tamén unha considerable industria aeroespacial (Boeing, Pratt & Whitney, Bodycote, Kawasaki Hi, Spirit AeroSystems e Fuji Heavy Industries). A produción de robots é outra industria en rápido desenvolvemento. Ademais a robótica, a industria de enxeñaría de materiais tamén se está a desenvolver nesta área.

Noritake é unha empresa de cerámica, produción típica da zona desde o perído Edo. Os monicreques mecanizados, chamados "Karakuri Ningyo", son outra artesanía tradicional.

Castelo de Nagoia

División administrativa

O concello de Nagoya divídese en 16 barrios (ku 区):

• Atsuta-ku (熱田区, あつたく)
• Chikusa-ku (千種区, ちくさく)
• Higaxi-ku (東区, ひがしく)
• Quita-ku (北区, きたく)
• Meitou-ku (名東区, めいとうく)
• Midori-ku (緑区, みどりく)
• Minami-ku (南区, みなみく)
• Minato-ku (港区, みなとく)
• Mizugho-ku (瑞穂区, みずほく)
• Moriiama-ku (守山区, もりやまく)
• Naka-ku (中区, なかく)
• Nakagawa-ku (中川区, なかがわく)
• Nakamura-ku (中村区, なかむらく)
• Nixi-ku (西区, にしく)
• Xouwa-ku (昭和区, しょうわく)
• Tenpaku-ku (天白区, てんぱくく)

Universidades

• Universidade de Nagoya (名古屋大学)
• Instituto de technoloxía de Nagoya (名古屋工業大学)
• Universidade da prefectura de Aichi (愛知県立大学)
• Universidade da cidade de Nagoya (名古屋市立大学)
• Universidade de Nanzan (南山大学)

Cidades irmandadas

• Os Ánxeles (1959)
• Cidade de México (1978)
• Sidney (1980)
• Turín (2005)

Véxase tamén

Outros artigos

• Historia urbana de Nagoia
• Lista de concellos do Xapón

Ligazóns externas

• Sitio oficial da cidade de Nagoya (en xaponés)
• Sitio oficial da cidade de Nagoya (en castelán)
• Sitio oficial da cidade de Nagoya (en portugués)

---

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---