Nadiem Amiri

Na Galipedia, a Wikipedia en galego.
Saltar ata a navegación Saltar á procura
Nadiem Amiri
20161011 U21 AUT GER 9328.jpg
Información persoal
Nacemento 27 de outubro de 1996
  Ludwigshafen am Rhein
Nacionalidade Alemaña
Altura 178 centímetros
Posición centrocampista

Nadiem Amiri, nado o 27 de outubro de 1996 en Ludwigshafen am Rhein, é un xogador de fútbol alemán, xogador do TSG 1899 Hoffenheim.

Traxectoria[editar | editar a fonte]

Seus pais fuxiron de Afganistán cara a Alemaña na década de 1980[1], é primo de Zubayr Amiri xogador do Hessenligisten SC Hessen Dreieich dende 2014 e mais da selección afgá.

Amiri comezou a súa carreira no equipo xuvenil do Ludwigshafener SC, e tras pasar polo do FC Kaiserslautern pasou ao do SV Waldhof Mannheim. En 2012 entrou no equipo sub-17 do TSG 1899 Hoffenheim, marcando dous goles en 25 aparicións. Un ano despois pasou ao sub-19, logrando tres goles en 21 participacións. Para a tempada 2014/15 asinou unha extensión de contrato ata o verán de 2018 e ao mesmo tempo un contrato profesional para o equipo da Bundesliga do TSG Hoffenheim[2]. Non obstante, primeiro xogou no segundo equipo na Regionalliga Südwest antes de debutar o 7 de febreiro de 2015, con 20 anos, co primeiro equipo na Bundesliga nunha derrota 0-3 contra o VfL Wolfsburg [3]. Na tempada seguinte, o 28 de novembro de 2015, correspondente á xornada catorce, anotou o seu primeiro gol nun empate 3: 3 contra o Borussia Mönchengladbach, participando tamén nos outros dous goles do seu equipo no partido.

O 12 xuño de 2017 prolongou o seu contrato co TSG ata o 2020 [4].

Selección nacional[editar | editar a fonte]

Entre 2013 e 2014 completou oito partidos coa selección alemá sub-18, logrando dous goles. Na selección sub-19 en 13 participacións marcou tres goles. No Campionato europeo sub-21 de 2017 en Polonia, Amiri xogou catro dos cinco partidos e finalmente logrou o campionato coa súa selección.

Notas[editar | editar a fonte]

  1. Entrevista de Nadiem Amiri con Bamdad Esmaili en WDRforyou de YouTube
  2. "Nadiem Amiri erhält Lizenzspieler-Vertrag bis 2018"; achtzehn99.de, 28 de outubro de 2014
  3. "Schürrle und De Bruyne euphorisieren Wolfsburg"; kicker.de, 7 de febreiro de 2015
  4. TSG bindet Nadiem Amiri bis 2020[Ligazón morta]; achtzehn99.de, 12 de xuño de 2017