Nadia Sokolova

Na Galipedia, a Wikipedia en galego.
Nadia Sokolova
Nacemento 1 de setembro de 1917
  São Paulo
Falecemento 1968
Ocupación escritora
editar datos en Wikidata ]

Nadia Sokolova, nada en São Paulo o 1 de setembro de 1917 e finada en 1968, foi unha poeta catalá[1].

Traxectoria[editar | editar a fonte]

Foi filla da bailarina de orixe inglés Lydia Sokolova e do bailarín Nicolas Kemnev. Naceu durante un xira polo Brasil[2]. Foi bautizada nunha igrexa rusa en Buenos Aires co nome de Natalia Nicolaevna Kremnev. En Barcelona a nena quedou a cargo dunha criada chamada Felisa, que a aleitou mentres a nai seguía traballando.

Formou parte do Grupo Logicofobista[3], que organizou en 1936 unha exposición artística. Pertenceu tamén ao grupo de Amics de l'Art Nou. Un dos seus poemas en lingua francesa apareceu no nº 6 da revista Quaderns de Poesia en xaneiro de 1936, traducido ao catalán por Sebastià Sánchez-Juan para a escolma Miralls. Versions de lírica europea (Josep Porter i Rovira, 1955). O poema foi incluído tamén na escolma Antología poética del barrio chino, editada por Abel Iniesta en 1949.

Antes do inicio da guerra civil española emigrou aos Estados Unidos de América, primeiro a Nova York e despois á Universidade Harvard. En febreiro de 1939 a editorial francesa La Hune anunciou a edición dun libro de poemas de Nadia Sokolova, Collier de Vertiges, cun prefacio de Jean Cassou.

Varias universidades estadounidenses conservan fragmentos de poemas seus, que permitiron descubrir 25 poemas inéditos e unha composición musicada por Béla Rózsa co título de “Three Songs”. Tamén se atoparon inéditos seus nos arquivos de Béla Rozsa na Universidade de Tulsa. Na Universidade de Harvard consérvanse cartas orixinais, e no Smith College de Northampton (Massachusetts) consérvanse traducións ao inglés dos seus poemas feitos por Louise Varèse, muller do músico Edgar Varèse. A maioría dos seus poemas inéditos están escritos en francés, agás algún en lingua inglesa.[4].

Tivo unha irmá pintora, chamada Vàlia.

Notas[editar | editar a fonte]

  1. "Nadia Sokolova, logicofobista i poetessa", artigo de Josep Miquel García en Segre, 9 de xullo de 2017 (en catalán).
  2. Sokolova, L. (1961): Dancing For Diaghilev: The Memoirs of Lydia Sokolova. Macmillan.
  3. La Publicitat, 17 de maio de 1936. Artigo de A. de Montabert.
  4. "El Museu Abelló recupera l’obra de la poetessa logicofobista Nadia Sokolova", artigo na web da Diputació de Barcelona, 4 de agosto de 2017 (en catalán).