Nacho Novo

Nacho Novo
Novo quentando para o Rangers en 2009
Información persoal
Nome completo	Ignacio Javier Gómez Novo
Nacemento	26 de marzo de 1979 (38 anos)
Lugar	Ferrol, Galicia
Altura	1,75 m.
Posición	Dianteiro
Información de club
Club actual	Carlisle United
Número	33
Carreira xuvenil
	Racing Club de Ferrol
Carreira sénior
Anos	Equipos	Aprs†	(Gls)†
1997–1999	Racing Club de Ferrol	1	(1)
1998–2000	Somozas	35	(16)
2000–2001	Huesca	38	(22)
2001–2002	Raith Rovers	33	(18)
2002–2004	Dundee	71	(26)
2004–2010	Rangers	179	(47)
2010–2012	Real Sporting de Gijón	41	(7)
2012	Legia Warszawa	11	(0)
2012–2013	Huesca	34	(6)
2013	Greenock Morton	8	(1)
2014–	Carlisle United	1	(0)
Selección nacional
2008	Galicia	1	(2)
* Partidos e goles só en liga doméstica. Actualizados a 9 de xullo de 2017. † Aparicións (Goles) ‡ Actualizado a 9 de xullo de 2017.

Ignacio Javier Gómez Novo, máis coñecido por Nacho Novo, nado en Ferrol o 26 de marzo de 1979, é un futbolista galego. Xoga de dianteiro e o seu equipo actual é o Carlisle United.

Traxectoria

Formouse nas categorías inferiores do Racing de Ferrol, chegando a xogar no entón filial racinguista U.D. Somozas e tamén algúns partidos oficiais co Racing nas temporadas 1997/98 -nesta xogou un encontro de liga, na Segunda B- e 1998/99. Tras unha tempada no SD Huesca emigra para probar sorte no fútbol escocés, primeiro no Raith Rovers e no Dundee FC e finalmente nun dos dous equipos máis importantes da liga escocesa, o Glasgow Rangers. Co equipo de Glasgow gañou 8 títulos, entre eles tres ligas, e tivo varias participacións na Liga de Campións e na Copa da UEFA.

Como dianteiro demostrouse moi efectivo e converteu para o equipo de Glasgow 25 tantos na súa primeira tempada, e entre eles o gol contra o Hibernian de Edimburgo que lles deu o título en 2005. Deses 25, 19 foron en partidos de liga, 3 na copa e 3 máis na competición europea, na Liga de campións.

O seu número habitual é o 10 e foi titular cos Rangers durante a tempada 2005–06 ata que rompeu o quinto metatarsal, co que quedou de baixa durante varios meses. Na tempada 2006-07 tamén disputou a Copa da UEFA.

En maio de 2010 confirmouse a súa fichaxe polo Sporting de Gijón. Xogou dúas tempadas no club xixonés, e en febreiro de 2012 anunciou que non renovaría.

Tras deixar o Sporting fichou polo Legia Warszawa, co que gañou a Copa de Polonia, so militou no equipo polaco un ano para volver á Liga española e fichar de novo polo SD Huesca o 14 de xullo.

Selección galega

Foi convocado pola selección nacional de fútbol de Galicia para a disputa do partido contra Uruguai, o 28 de decembro de 2005, pero non puido acudir por problemas de calendario coa competición escocesa. Esta circunstancia repetiuse ao ano seguinte, no partido que enfrontou a Galicia contra Ecuador.

No ano 2008 debutou en Riazor coa camisola da selección nacional fronte a Irán. Encontro no cal marcou dous tantos. Un día case perfecto, dicía, xa que lle faltou marcar no derbi escocés fronte o Celtic que tivo ese mesmo día á mañá.

Palmarés

Título	Club	País	Ano
Premier League	Glasgow Rangers	Escocia	2005
Copa da Liga	Glasgow Rangers	Escocia	2005
Copa de Escocia	Glasgow Rangers	Escocia	2008
Copa da Liga	Glasgow Rangers	Escocia	2008
Premier League	Glasgow Rangers	Escocia	2009
Copa de Escocia	Glasgow Rangers	Escocia	2009
Premier League	Glasgow Rangers	Escocia	2010
Copa da Liga	Glasgow Rangers	Escocia	2010
Copa de Polonia	Legia Warszawa	Polonia	2012

Véxase tamén

Ligazóns externas

• Datos do xogador en bdfutbol.com (en castelán)
• NNovo1010, conta de Twitter oficial de Nacho Novo
• Nacho Novo (90minut.pl)