Néa Ellinikí Radiofonía, Ínternet kai Tileórasi
 | Este artigo (ou sección) está desactualizado(a). A información fornecida mudou ou é insuficiente. |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xuño de 2014.) |
| Néa Ellinikí Radiofonía, Ínternet kai Tileórasi | |||||||||||
|---|---|---|---|---|---|---|---|---|---|---|---|
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| Wikidata | |||||||||||
Néa Ellinikí Radiofonía, Ínternet kai Tileórasi (Νέα Ελληνική Ραδιοφωνία, Ίντερνετ και Τηλεόραση; en galego Nova Radio, Internet e Televisión Grega), tamén coñecida polas súas siglas NERIT (ΝΕΡΙΤ), é a corporación nacional de radiodifusión pública da Grecia, sucesora da Ellinikí Radiofonía Tileórasi (ERT), que pechou o 12 de xuño de 2013. Foi fundada polo goberno grego coa lei 4173 do 26 de xuño de 2013.
Características
[editar | editar a fonte]As canles do grupo comezaron a funcionar o 4 de maio de 2014. A súa sede central é a mesma que a da ERT, e empregáronse 800 traballadores, un terzo dos traballadores do grupo anterior.
A empresa constituíuse pouco despois de que o goberno grego de Antonis Samarás anunciase o peche da Ellinikí Radiofonía Tileórasi (ERT), unha empresa de radiodifusión pública existente dende 1938. A medida supuxo o despido do seus 2 656 empregados e o peche de tódolos seus servizos, entre os que estaban cinco canles de televisión (ERT1,NET, ET3, ERT HD e ERT World) e sete emisoras de radio, para aforrar 300 millóns de euros.
Á espera dunha organización empresarial definitiva, NERIT operaba unha rede de televisión, de carácter xeneralista: DT - Dimosia Tileorasi (AT - Δημόσια Τηλεόραση, a televisión pública), que é transmitida en dúas canles (SDTV e HDTV).
NERIT, o 1 de xaneiro de 2014, comezou a aplicar unha taxa de licenza de televisión, mediante a retención dunha porcentaxe monetaria en tódalas facturas de enerxía eléctrica emitidas. Este método de financiamento foi causa de protestas en Grecia dende que todas as facturas de enerxía eléctrica emitidas en Grecia comezaron a incluír a dita da taxa, independentemente de se tratar de particulares ou entidades públicas (por exemplo, oficinas municipais).
Na actualidade o ente xestiona dúas canles de televisión e dúas emisoras de radio. Dende o 22 de xaneiro de 2014 forma parte como membro efectivo na Unión Europea de Radiodifusión.
Servizos
[editar | editar a fonte]Canles de Radio:
- NERIT Radio 1 (Proto prógramma): Emisora xeneralista, con espazos de noticias.
- NERIT Radio 3 (Tríto prógramma): Emisora informativa e cultural.
Canles de Televisión:
- NERIT 1: Canle de televisión, cunha programación xeneralista e de espazos de servizo público. A súa oferta é semellante á antiga NET.
- NERIT Sports: Entrou ó ar o 15 de maio de 2014.
- NERIT HD: Canle en Alta Definición. En Grecia atópase na TDT na frecuencia 52 dixital, como tamén nas plataformas de pago gregas de satélite NOVA TV e OTE TV.
Este ente tamén encárgase do canal do parlamento Vouli Tileorasi.
Dirección
[editar | editar a fonte]NERIT A.E é organizada por dous órganos dependentes do goberno.
- Consello de vixilancia: Theodoros Fortsakis (presidente), Anna Damianidou, Andreas Zoulas, Tatiana Karapanagioti, Loukas Karytinos, Simos Simopoulos, Christos Chomenidis.
- Consello Directivo: Georgios Prokopakis (presidente e Administrador Delegado), Ekaterini Evagelakou, Theodoros Karounos, Nikolaos Xanthoulis, Konstantinos Polyzogopoulos.
