Musteriano

Un utensilio de comezos da Musteriense: núcleo de sílex procedente do nível TD-11, en Atapuerca

Musteriano é unha cultura que se desenvolve no Paleolítico Medio. Debe o seu nome ao sitio arqueolóxico de Le Moustier, un acubillo rochoso na rexión de Dordoña en Francia descuberto en 1860 por Gabriel de Mortillet. Ferramentas de pedra similares atopáronse por toda a Europa subártica e tamén no Oriente Medio e norte da África.

Características

As ferramentas musterianas asócianse principalmente cos neandertais en datas comprendidas entre o 125.000 a.C. e o 40 ou 30.000 a.C. A industria lítica realízase basicamente sobre lascas e caracterízase polo uso da técnica de talla Levallois, que permite realizar ferramentas máis especializadas.

Deste período aparecen os primeiros rituais funerarios e o canibalismo ritual.

O Musteriano divídese en varios grupos:

• Musteriano de tradición Achelense tipo A
• Musteriano de tradición Achelense tipo B
• Musteriano típico
• Musteriano de tipo Quina-Farrasie
• Musteriano de denticulados