O municipio de Augšdaugava (en letón, Augšdaugavas novads) é un dos 36 municipios de Letonia.
Localizado ao sueste de Letonia, o municipio creouse durante o ano 2021 despois dunha reorganización territorial, que buscou as vantaxes da fusión de concellos eliminado o antigo municipio de Daugavpils e o municipio de Ilūkstes . Limita cos municipios de Jēkabpils, Līvāni e Preiļu ao norte, co municipio de Krāslava ao leste, co condado de Panevėžys de Lituania ao oeste e co condado de Utena no sur, así como co condado de Vitebsk en Bielorrusia no sur. O centro administrativo do municipio está situado na cidade de Daugavpils, que non forma parte do condado, ao ser esta unha cidade independente. [1]
A área paisaxística protexida "Augšdaugava" foi creada no ano 1990, pero a elaboración do plan de protección do medio ambiente desta maior área paisaxística en Letonia aínda está en proceso. O parque natural “Daugavas loki” como parte desta zona paisaxística foi establecido en 1990 e o parque natural xa conta co plan de protección e xestión (2010-2022). O val superior do río Daugava forma o eixe central do terreo protexido e está incluído na Rede Natura 2000. O complexo do río Daugava con nove grandes meandros e pequenos ríos naturais inalterados, que cruzan os barrancos pertencen a este rango de protección natural. Esta zona tamén é rica en mananciais minerais e panxos primaverais. Cuns 30 lagos con diferentes impactos de eutrofización na zona. As posibles ameazas á paisaxe son a posíbel falta de servizos dos ecosistemas hídricos.
[2]
.jpg?lang=gl)
