Lavandeira citrina

Lavandeira citrina
Macho de M. c. calcarata en plumaxe reprodutora en Rajastán, India
Estado de conservación
Pouco preocupante
Clasificación científica
Reino: Animalia Filo: Chordata Clase: Aves Orde: Passeriformes Familia: Matacillidae Xénero: Motacilla Especie: Motacilla citreola (Pallas, 1776)
Distribución de M. citreola     Área reprodutora      Residentes      Área non reprodutora Distribución de M. citreola     Área reprodutora      Residentes      Área non reprodutora
Sinonimia
Budytes citreola (Pallas, 1776)

A lavandeira citrina (Motacilla citreola) é un pequeno paxaro cantor da familia Motacillidae.

Etimoloxía

O xénero, Motacilla foi creado con este nome por Carl Linnaeus en 1758 na 10ª edición de Systema Naturae. Motacilla en latín era o nome da lavandeira branca, que é o diminutivo de motare, 'moverse continuamente', pero desde tempos medievais confundiuse cilla con 'cola'. O termo citreola en latín significa 'de cor amarelado'.

Taxonomía

A sistemática, filoxenia e taxonomía desta especie foi obxecto de considerable debate a inicios do século XXI debido a que esta ave forma un complexo de especies crípticas con M. tschutschensis e M. flava. Decidir cales dos moitos taxons deste grupo corresponden a cales das moitas poboacións é improbable que se resolva no futuro inmediato.

Descrición

É un paxaro delgado de 15,5 a 17 cm de longo, que move constantemente a súa longa cola, como é característico do xénero Motacilla. O macho adulto en plumaxe reprodutora é basicamente gris ou negro pola parte superior, con branco nas plumas rémixes, e amarelo brillante por debaixo e en toda a cabeza menos na caluga negra. En pumaxe invernal, as partes amarelas poden diluírse en cor branca, e a cabeza pasa a ser amarronada con supercilio amarelado. As femias parécense xeralmente a versións destinxidas dos machos en plumaxe invernal.

Distribución

Esta especie reprodúcese na parte norte de Asia central en prados húmidos e na tundra. Migra en inverno ao sur de Asia, a miúdo a terras altas. A súa área de distribución está expandíndose cara ao oeste e é unha ave errante rara pero cada vez máis frecuente en Europa occidental, incluíndo Galicia. As aves errantes parecen estender a súa migración en lugar de extraviarse na súa ruta.

Ecoloxía

É un paxaro insectívoro que vive en zonas de campo aberto preto da auga, como prados húmidos e pantanos, e nidifica no chan, poñendo 4 ou 5 ovos con manchas.

• 
  Femia en plumaxe reprodutora, en Bengala Occidental, India)
• 
  Exemplar xove en Bengala Occidental, India
• 
  Immaturo na súa primeira plumaxe invernal en Bengala Occidental, India
• 
  Ave invernante en Bengala Occidental, India
• 
  Ave invernante en Dubai, Emiratos Árabes Unidos
• 
  Lavndeira citrina (Motacilla citreola)
• 
  Ovos de Motacilla citreola citreola