Montes Adirondack

Na Galipedia, a Wikipedia en galego.
Saltar ata a navegación Saltar á procura
Montes Adirondack
Adirondack Mountains
Adirondacks in May 2008.jpg
Os Adirondack dende a cima do monte Whiteface
NortheastAppalachiansMap.jpg
Localización
Continente/sAmérica do Norte
País/esEstados Unidos de América Estados Unidos
Coordenadas44°06′45″N 73°55′26″O / 44.11250, -73.92389Coordenadas: 44°06′45″N 73°55′26″O / 44.11250, -73.92389
Datos
Principais cumesMonte Marcy
Cota1692 msnm
Superficie13 000 km2

Os montes Adirondack (en inglés: Adirondack Mountains) é un macizo montañoso dos Estados Unidos no nordés do estado de Nova York. Ten unha extensión de 13 000 km2[1] entre montañas, terras boscosas, outeiros redondos, vales en forma de U e lagos. Eríxese por riba da rexión montañosa dos Apalaches.

Etimoloxía[editar | editar a fonte]

Pénsase que a palabra Adirondack provén do vocábulo mohawk ha-de-ron-dah que significa "comedores de árbores". O primeiro uso escrito, que aparece como Rontaks, foi en 1729 por parte do misioneiro francés Joseph-François Lafitau. Este explicou que a palabra era empregada polos iroqueses como expresión despectiva contra os grupos de algonquinos que nos practicaban a agricultura e polo tanto ás veces tiñan que comer árbores para sobrevivir durante o inverno. Como os mohawks non tiñan linguaxe escrita nesa época, os europeos empregaron varias traducións fonéticas da palabra, como Achkokx, Rondaxe e Adirondax.[2] Estas palabras estaban moi asociadas á rexión, mais non eran aínda consideradas un topónimo: un mapa inglés de 1761 nomea a área simplemente como Deer Hunting Country ("país da caza do cervo"). En 1837, os montes foron chamados Adirondacks por Ebenezer Emmons.[3]

Montañas[editar | editar a fonte]

O conxunto dos montes de Adirondack consíderase «montañas novas» pois segundo un estudo orográfico medra 1,5 mm anualmente. O cumio máis alto é o monte Marcy con 1629 m, fonte máis alta do río Hudson.[4] Existen unhas corenta montañas que superan os 1200 metros.

A maioría dos montes altos teñen tres zonas de vexetación:

Parque nacional[editar | editar a fonte]

En 1882, o estado de Nova York declarou a rexión parque nacional aínda que existían propiedades privadas que se manteñen. O fin desta declaración foi conservar «a vida silvestre [, e que as terras] non se poidan vender, arrendar ou intercambiar, nin seren ocupadas por corporacións, privadas ou estatais».

Notas[editar | editar a fonte]

  1. The Young people's encyclopedia of the United States. Shapiro, William E. Brookfield, Conn.: Millbrook Press. 1993. ISBN 1-56294-514-9. OCLC 30932823. 
  2. Sulavik, Stephen B. (2007). Adirondack : of Indians and mountains, 1535–1838. Fleischmanns, N.Y.: Purple Mountain Press. pp. 21–51. ISBN 978-1930098794. 
  3. Cherniak, D. J. "Ebenezer Emmons (1799–1863)". Rensselaer Polytechnic Institute. Arquivado dende o orixinal o 27 de maio de 2012. Consultado o 23 de xuño de 2015. 
  4. The Young people's encyclopedia of the United States. Shapiro, William E. Brookfield, Conn.: Millbrook Press. 1993. ISBN 1-56294-514-9. OCLC 30932823. 

Véxase tamén[editar | editar a fonte]

Ligazóns externas[editar | editar a fonte]