Molalidade

Na Galipedia, a Wikipedia en galego.

Molalidade é a cantidade de moles de soluto que hai nun quilogramo de solvente.[1] Non depende da temperatura. Simbolízase cun m. Non se debe confundir con molaridade, a cal se mide con respecto ao volume da disolución e non da masa.

Para preparar disolucións dunha determinada molalidade non se emprega un matraz aforado como na molaridade, se non que se emprega en xeral nun vaso de precipitados e pesa cunha balanza analítica, descontando o peso do vaso baleiro.

A maior vantaxe deste método de medida en relación coa molaridade é que como volume dunha disolución depende da temperatura e da presión, cando estas varían, o volume cambia con elas, variando a molaridade, pero non a molalidade, podendo medirse con maior precisión, de xeito independente a ambas.

É menos empregada que a molaridade.

Fórmula[editar | editar a fonte]

A molalidade (b), dunha disolución defínese como a cantidade de substancia do soluto (medida en moles), nsoluto, dividida pola masa (en kg) do solvente, msolvente:[1]

Osmolalidade[editar | editar a fonte]

A osmolalidade é a variación da molalidade que ten en conta só os solutos que contribúen á presión osmótica da disolución. Non se debe confundir con osmolaridade. A unidade utilizada para medir a osmolalidade é o osmol de soluto por quilogramo de auga. Esta unidade úsase frecuentemente en laboratorios médicos en vez da osmolaridade, porque pode medirse simplemente por depresión do punto de conxelación dunha disolución, ou crioscopia.

Notas[editar | editar a fonte]

  1. 1,0 1,1 IUPAC, Compendium of Chemical Terminology, 2ª ed. (the "Gold Book") (1997). Versión en liña corrixida:  (2006–) "molality".