Modesto Villar Ínsua

Na Galipedia, a Wikipedia en galego.
Saltar ata a navegación Saltar á procura
Modesto Villar Ínsua
Nacemento1911
 Buenos Aires
Falecemento1 de xuño de 1939
 Ortigueira
Causaferida por arma de fogo
NacionalidadeEspaña
Ocupaciónpolítico e guerreiro
editar datos en Wikidata ]

Modesto Villar Ínsua, nado en Buenos Aires en 1911 e finado en Ortigueira o 1 de xuño de 1939, foi un político e guerrilleiro antifranquista galego.

Traxectoria[editar | editar a fonte]

Estudante de maxisterio na Coruña e profesor de ciencias na Escola de Traballo de Viveiro, era militante do Partido Galeguista dende 1933. Foi designado concelleiro de Viveiro en febreiro de 1936. Ao estalar o golpe de Estado do 18 de xullo de 1936 pasou á clandestinidade. O 23 de xuño de 1937 participou no intento de asalto da tarrafa viveirense Nosa Señora das Dorescos irmáns Benedicto e Cesareo Díaz Fuentes, Jesús Iglesias Escourido e Francisco Gómez Núñez “Trostky”, co obxectivo de fuxir á zona republicana. En 1938 integrou a primeira agrupación guerrilleira constituída en Galicia, a Agrupación Chapaev (ou Tchapaief), encargándose de redactar os seus estatutos e da planificación dos golpes económicos[1]. Xulgado en ausencia por traizón e rebelión militar. Morreu por fractura de cranio por disparos de fogo[2] nunha cova de Montemeao en Ortigueira canda o seu compañeiro Amandino Neira.

Notas[editar | editar a fonte]

  1. "Nacionalismo a man armada", artigo de Cilia Torna en Sermos Galiza, 27 de agosto de 2014
  2. Ficha en Souto Blanco, María Jesús "A represión franquista e as súas zonas de penumbra. Vítimas confirmadas e posibles en Lugo (1936-1940)". Concello de Lugo

Véxase tamén[editar | editar a fonte]

Ligazóns externas[editar | editar a fonte]