Miriam Rodríguez Martínez
Miriam Rodríguez Martínez | |
---|---|
Nacemento | 5 de febreiro de 1960 |
Lugar de nacemento | San Fernando Municipality |
Falecemento | 10 de maio de 2017 |
Lugar de falecemento | San Fernando |
Nacionalidade | México |
Ocupación | Activista polos dereitos humanos |
[ editar datos en Wikidata ] | |
Miriam Elizabeth Rodríguez Martínez, nada en San Fernado, Tamaulipas (México) o 5 de febreiro de 1960 e finada na mesma cidade o 10 de maio de 2017, foi unha activista dos dereitos humanos mexicana. Converteuse nunha dos moitos "Pais de nenos desaparecidos", (unha clase de vítimas do crime organizado, etiquetada así polos medios de comunicación locais) despois de que a súa filla fose raptada e asasinada. Miriam foi asasinada por homes armados que accederon á súa casa o 10 de maio de 2017.
Traxectoria[editar | editar a fonte]
Miriam Elizabeth Rodríguez Martínez naceu o 5 de febreiro de 1960 en San Fernando no estado mexicano de Tamaulipas.[1] A súa filla, Karen Alejandra Salinas Rodríguez, desapareceu en 2012.[2] Os restos de Karen foron finalmente descubertos en 2014.[3] Rodríguez perseguiu ós asasinos da súa filla durante anos. Algúns dos homes arrestados polo caso da súa filla fuxiron de prisión despois do seu arresto. Ademais de atopar a súa filla, esforzouse para axudar a outros pais cuxos nenos desapareceran, e de aí naceu a organización Colectivo de Desaparecidos.
Rodríguez foi asasinada o 10 de maio de 2017, día en que México celebra o día da nai. Recibiu 12 disparos dos homes armados que accederon á súa casa, e morreu de camiño ao hospital.[4][2] En solidariedade con ela, os manifestantes levantaron a súa voz en protesta o día que foi asasinada, solicitando ós gobernos mexicano e dos Estados Unidos que garantiran a seguridade dos defensores dos dereitos humanos.[5][6]
Notas[editar | editar a fonte]
- ↑ "Tres años sin justicia en el asesinato de Miriam, la madre activista". A dónde van los desaparecidos. 11 de maio de 2020.
- ↑ 2,0 2,1 "Gunmen Kill Mexican Activist For Parents of Missing Children" (en inglés). 12 de maio de 2017. ISSN 0362-4331. Consultado o 2020-03-08.
- ↑ "Obituary: Miriam Rodríguez Martínez died on May 10th". 20 de maio de 2017. ISSN 0013-0613.
- ↑ "Mexican woman who uncovered cartel murder of daughter shot dead". The Guardian. 12 de maio de 2017.
- ↑ "Justice for Miriam Rodriguez" (en inglés).
- ↑ "She Stalked Her Daughter's Killers Across Mexico, One by One" (en inglés). 2020-12-13. ISSN 0362-4331. Consultado o 2021-01-04.