Saltar ao contido

Miodrag Belodedici

Na Galipedia, a Wikipedia en galego.
Modelo:BiografíaMiodrag Belodedici

Editar o valor en Wikidata
Biografía
Nacemento20 de maio de 1964 Editar o valor en Wikidata (61 anos)
Socol, Romanía (pt) Traducir Editar o valor en Wikidata
Altura185 cm Editar o valor en Wikidata
Peso75 kg Editar o valor en Wikidata
Actividade
Ocupaciónfutbolista Editar o valor en Wikidata
Período de actividade1982 Editar o valor en Wikidata - 2001 Editar o valor en Wikidata
Nacionalidade deportivaRomanía Editar o valor en Wikidata
Deportefútbol Editar o valor en Wikidata
Posición de xogoDefensa Editar o valor en Wikidata
Traxectoria Editar o valor en Wikidata
  Equipo Número de eventos xogados Puntos/goles/tantos anotados
1982–1988 CSA Steaua București 174(18)
1989–1992 Fudbalski Klub Crvena Zvezda 63(3)
1992–1994   Valencia CF 76(0)
1994–1995→ cesión:    Real Valladolid 31(0)
1995–1996   Villarreal Club de Fútbol 16(2)
1996–1998 Club de Fútbol Atlante 63(2)
1998–2001 Steaua Bucuresti 61(3)
  Selección nacional Número de eventos xogados Puntos/goles/tantos anotados
1982–1984   Romanía sub-21 16(1)
1984–2000   Romanía 55(5)
Participou en
2000Eurocopa de 2000
xuño de 1996Eurocopa de Fútbol Inglaterra 1996
1994Mundial de Fútbol Estados Unidos 1994 Editar o valor en Wikidata
Premios
FIFA: 46397 UEFA: 2218102 Editar o valor en Wikidata

Miodrag Belodedici, nado en Socol o 20 de maio de 1964, é un exfutbolista romanés de etnia serbia que xogaba como centrocampista.

Desenvolveu a maior parte dos seus 19 anos de carreira profesional no Steaua București, co que gañou numerosos títulos, entre eles seis ligas romanesas, cinco Copas de Romanía e a primeira das súas dúas Copas de Europa. En 1990 gañou unha segunda Copa de Europa co Estrela Vermella de Belgrado, converténdose no primeiro futbolista en xogar e gañar dúas finais do torneo con dous clubs diferentes, e no único xogador en conquistar o trofeo con dous equipos diferentes de Europa do Leste. Tamén xogou nas primeiras divisións de España e México.

Foi 55 veces internacional coa selección romanesa, coa que participou no Mundial de 1994 e nas Eurocopas de 1996 e 2000.[1]

Traxectoria

[editar | editar a fonte]

Comezos

[editar | editar a fonte]

Naceu na comuna romanesa de Socol, no seo dunha familia de etnia serbia.[2] Falou só serbio ata a escola primaria e completou os seus primeiros catro cursos nesa lingua.[2] En quinto comezou a aprender a lingua romanesa, que finalmente dominou coa axuda dos seus compañeiros nas categorías inferiores da selección romanesa Gavril Balint e Gheorghe Hagi.[2] Aos 14 anos ingresou na canteira do Minerul Moldova Nouă, sendo o seu primeiro adestrador Olimp Mateescu. Tres anos despois fichou polo Luceafărul București, equipo creado pola Federación Romanesa de Fútbol co propósito de reunir a todas as grandes promesas do país nun só equipo.

Seteaua

[editar | editar a fonte]

No verán de 1982 foi fichado polo Steaua București, sendo elixido polo propio presidente do club, Ion Alecsandrescu. Rematou a súa primeira tempada na Divizia A con 17 partidos e nos seguintes anos consolidouse na titularidade, conquistando cinco ligas nacionais consecutivas, incluíndo catro Copas de Romanía.

Na tempada 1985/86 disputou completos todos os partidos do seu equipo na Copa de Europa, incluídos os 120 minutos da final contra o FC Barcelona no Ramón Sánchez Pizjuán de Sevilla, onde formou no centro da defensa xunto a Adrian Bumbescu, converténdose o Steaua no primeiro equipo de Europa Oriental en erguer o titulo.

Tamén foi titular na posterior conquista da Supercopa de Europa, contra o Dinamo de Kíiv de Valerii Lobanovskyi.

Estrela Vermella de Belgrado

[editar | editar a fonte]

En 1988 deixou Romanía e trasladouse á República Federal Socialista de Iugoslavia, onde fichou polo Estrela Vermella de Belgrado. Con todo, durante o seu primeiro ano tivo que xogar sen contrato legal e só en partidos amigables, xa que as autoridades romanesas falsificaron o seu contrato de xogador profesional e a UEFA suspendeuno durante un ano baseándose nos datos proporcionados. O goberno de Nicolae Ceaușescu declarouno culpable de traizón e condenouno a dez anos de prisión in absentia, cargos que foron retirados despois da Revolución romanesa de 1989.

En 1989 recibiu luz verde para xogar no Estrela Vermella e axiña se fixo coa titularidade. Gañou tres veces a Primeira Liga de Iugoslavia e unha Copa de Iugoslavia e na tempada 1990/91 conquistou por segunda vez a Copa de Europa, tras derrotar na quenda de penaltis da final ao Olympique de Marsella no estadio San Nicola de Bari. Converteuse así no segundo futbolista en gañar o título con dous equipos diferentes, despois de Saul Malatrasi, e o primeiro en facelo xogando ambas finais (pois Malatrasi non disputou a final de 1965). Foi titular tamén na Copa Intercontinental que o seu club conquistou no Estadio Nacional de Toquio ante o Colo-Colo chileno.

España

[editar | editar a fonte]

Para a tempada 1992/93 fichou polo Valencia CF, co que disputou un total de 60 partidos oficiais en dous anos. En 1994 pasou ao Real Valladolid, co que rematou a tempada no 19º posto, evitando o descenso grazas á ampliación da Primeira división de 20 a 22 clubs. Pasou a súa última tempada en España nas filas do Villarreal, da Segunda División.

Últimos anos

[editar | editar a fonte]

Entre 1996 e 1998 militou no Atlante FC mexicano. A continuación, con 34 anos, regresou ao Steaua, co que gañou unha Supercopa de Romanía, unha Copa e unha nova liga romanesa.

Retirouse do fútbol en xuño de 2001, cun balance de 235 partidos na máxima categoría de Romanía (21 goles) e 12 títulos no país. Posteriormente, traballou na Federación Romanesa de Fútbol, como coordinador das categorías inferiores da selección.

Selección romanesa

[editar | editar a fonte]
Pavillón polideportivo que leva o nome de Miodrag Belodedici en Socol.

Belodedici debutou coa selección romanesa o 31 de xullo de 1984, aos 20 anos, nun amigable que o seu equipo gañou por 1-0 contra a China. Marcou tres dos seus cinco goles internacionais en 1987, un deles nun partido de clasificación para a Eurocopa de 1988 contra Albania (vitoria por 5-1 en Bucarest).

Debido á súa saída de Iugoslavia foi excluído da selección nacional durante máis de tres anos. Volveu a tempo para ser seleccionado para o Mundial de 1994 nos Estados Unidos, onde disputou todos os partidos do seu equipo. Nos cuartos de final contra Suecia errou o seu lanzamento na quenda de penaltis ante o gardameta Thomas Ravelli, o que supuxo a eliminación de Romanía.[3] Participou tamén nas Eurocopas de 1996 e 2000, chegando aos cuartos de final nesta última.

Honras

[editar | editar a fonte]
Steaua București
Estrela Vermella

Notas

[editar | editar a fonte]
  1. ↑ "Miodrag Belodedici - International Appearances". rsssf.org (en inglés). Consultado o 28 de maio de 2025. 
  2. ↑ 2,0 2,1 2,2 Bogavac, Olivera (28 de marzo de 1990). "Miodrag Belodedić". Tempo (en serbio) (1257): 11. 
  3. ↑ "There Once Was a Man Named Ravelli . . . : Sweden: Goalkeeper’s performance against Romanian penalty kicks seems like the stuff of legends.". Los Angeles Times (en inglés). 11 de xullo de 1994. Consultado o 28 de maio de 2025. 
  4. ↑ "Yugoslavia - List of Final Tables". rsssf.org (en inglés). Consultado o 28 de maio de 2025. 
  5. ↑ "Yugoslavia/Serbia (and Montenegro) - Cup Finals". rsssf.org (en inglés). Consultado o 28 de maio de 2025. 
  6. ↑ "Intercontinental Club Cup 1991". rsssf.org (en inglés). Consultado o 28 de maio de 2025. 
Traído desde «https://gl.wikipedia.org/w/index.php?title=Miodrag_Belodedici&oldid=7077626»