Military Defense Alarm System
Military Defense Alarm System ou Missile Defense Alarm System, coñecido abreviadamente como MIDAS, foi unha familia de satélites de alerta temperá dos Estados Unidos.[1]
Características[editar | editar a fonte]
O proxecto MIDAS comezou a principios dos anos 1960 como un proxecto secreto para poñer en órbita satélites capaces de detectar lanzamentos de mísiles inimigos e dar unha resposta adecuada. O proxecto rematou no verán de 1966, con doce satélites lanzados pero con só oito chegando a estar operativos. A tecnoloxía e capacidade de procesamento da época, de todos xeitos, revelouse como insuficiente para a tarefa asignada aos satélites, que tiveron problemas para detectar lanzamentos reais. Lanzáronse tres series operativas máis unha adicada a investigación.[1]
MIDAS serie 1[editar | editar a fonte]
A serie 1 estivo formada polos satélites de demostración MIDAS 1 e 2, co primeiro non chegando a órbita por problemas do seu foguete lanzador. A carga do útil dos satélites consistía nun telescopio axustable e 27 detectores de sulfuro de plomo. A etapa superior dos foguetes Atlas-LV3 Agena-A con que serían lanzados funcionaría como bus para os satélites, proporcionando enerxía e control de actitude. Ambos satélites tiñan unha masa duns 2300 kg. MIDAS 1 foi lanzado o 26 de febreiro de 1960 e MIDAS 2 o 24 de maio dese ano. MIDAS 1 non chegou a órbita e MIDAS 2, nunha órbita de 484 x 511 km e 33º de inclinación, tivo problemas de control de actitud, fallando as comunicacións despois de doce órbitas á Terra.[2][1]
MIDAS serie 2[editar | editar a fonte]
A serie 2 estivo formada por tres satélites mellorados, con novos detectores infravermellos capaces de detectar lanzamentos de mísiles a distancia de ata 4200 millas náuticas. Os detectores rotaban nunha plataforma a 6 r.p.m. e cubrían unha superfie de millóns de km2 de superficie cada poucos segundos. De maneira similar á serie 1, na serie 2 a etapa superior do foguete Atlas-LV3 Agena-B utilizado coa serie 3 cumplía as funcións de bus do satélite. O ssatélites eran inxectados en órbitas duns 3000 km de altura e da súa parte posterior saían dous paneis solares para proporcionar alimentación eléctrica. MIDAS 3 deixou de funcionar despois de cinco órbitas, mentres que MIDAS 4 o fixo despois de 56. MIDAS 5 fallou na sexta órbita debido a un fallo eléctrico masivo a bordo.[3][1]
MIDAS serie 3[editar | editar a fonte]
A serie 3 estivo formada por catro satélites con sensores mellorados situados nunha plataforma rotando a 6 r.p.m. Foron lanzados mediante Atlas-LV3 Agena-B, como a serie anterior, con MIDAS 6 e MIDAS 8 non chegando a órbita por problemas dos foguetes. MIDAS 7, nunha órbita de 3600 km de altura, foi o primeiro satélite MIDAS en demostrar as súas capacidades, excedendo as expectativas e funcionando durante seis semanas. MIDAS 9 funcionou durante 96 órbitas, demostrando tamén o correcto funcionamento dos sensores.[4][1]
MIDAS serie de investigación[editar | editar a fonte]
Lanzáronse tres satélites MIDAS da serie de investigación, tamén denominados como RTS-1, como extensión final do proxecto MIDAS. Os detectores usados nestes satélites estaban deseñados especificamente para poder detectar lanzamentos desde submarinos e de mísiles de alcance medio e ser capaces de determinar a localización do lanzamento cunha precisión de entre 14 e 18 km. Dos tres RTS-1 lanzados so dous chegaron a órbita, cumplindo coas súas misións. Planificouse a continuación do programa coa serie RTS-2, que evolucionou ata converse nos satélites do Defense Support Program.[5][1]
Historial de lanzamentos[editar | editar a fonte]
| Misión[1][2][3][4][5] | Data de lanzamento[1][2][3][4][5] | Foguete lanzador[1][2][3][4][5] | Notas[1][2][3][4][5] |
|---|---|---|---|
| MIDAS 1 | 26 de febreiro de 1960 | Atlas-LV3 Agena-A | Fallo |
| MIDAS 2 | 24 de maio de 1960 | Atlas-LV3 Agena-A | Éxito |
| MIDAS 3 | 12 de xullo de 1961 | Atlas-LV3 Agena-B | Éxito |
| MIDAS 4 | 21 de outubro de 1961 | Atlas-LV3 Agena-B | Éxito |
| MIDAS 5 | 9 de abril de 1962 | Atlas-LV3 Agena-B | Éxito |
| MIDAS 6 | 17 de decembro de 1962 | Atlas-LV3 Agena-B | Fallo |
| MIDAS 7 | 9 de maio de 1963 | Atlas-LV3 Agena-B | Éxito |
| MIDAS 8 | 12 de xuño de 1963 | Atlas-LV3 Agena-B | Fallo |
| MIDAS 9 | 19 de xullo de 1963 | Atlas-LV3 Agena-B | Éxito |
| RTS-1 1 | 9 de xuño de 1966 | Atlas-SLV3 Agena-D | Fallo |
| RTS-1 2 | 19 de agosto de 1966 | Atlas-SLV3 Agena-D | Éxito |
| RTS-1 3 | 5 de outubro de 1966 | Atlas-SLV3 Agena-D | Éxito |
Notas[editar | editar a fonte]
- ↑ 1,00 1,01 1,02 1,03 1,04 1,05 1,06 1,07 1,08 1,09 Mark Wade (2020). "Midas" (en inglés). Consultado o 19 de setembro de 2020.
- ↑ 2,0 2,1 2,2 2,3 2,4 Gunter Dirk Krebs (2020). Gunter's Space Page, ed. "MIDAS 1, 2 (MIDAS Series 1)" (en inglés). Consultado o 19 de setembro de 2020.
- ↑ 3,0 3,1 3,2 3,3 3,4 Gunter Dirk Krebs (2020). Gunter's Space Page, ed. "MIDAS 3, 4, 5 (MIDAS Series 2)" (en inglés). Consultado o 19 de setembro de 2020.
- ↑ 4,0 4,1 4,2 4,3 4,4 Gunter Dirk Krebs (2020). Gunter's Space Page, ed. "MIDAS 6, 7, 8, 9" (en inglés). Consultado o 19 de setembro de 2020.
- ↑ 5,0 5,1 5,2 5,3 5,4 Gunter Dirk Krebs (2020). Gunter's Space Page, ed. "RTS-1 1, 2, 3 (MIDAS-RTS-1 1, 2, 3 / AFP-461)" (en inglés). Consultado o 19 de setembro de 2020.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Military Defense Alarm System  |
