Milan Šašik

Milan Šašik

Biografía
Nacemento	17 de setembro de 1952 Lehota, Eslovaquia (pt)
Morte	14 de xullo de 2020 (67 anos) Uzhhorod, Ucraína (pt)
Lugar de sepultura	Greek Catholic Cathedral, Uzhhorod (en)
Bispo diocesano
17 de marzo de 2010 – 14 de xullo de 2020 ← Ivan Semedi (en) Diocese: Eparquía católica rutena de Mukacheve
Administrador apostólico
12 de novembro de 2002 – Diocese: Eparquía católica rutena de Mukacheve
Bispo titular
12 de novembro de 2002 – Diocese: Bononia (en)
Bispo
Datos persoais
País de nacionalidade	Eslovaquia Checoslovaquia
Relixión	Igrexa católica
Educación	Universidade Comenius de Bratislava Pontifical Theological Faculty Teresianum (en)
Actividade
Campo de traballo	Uniatas (pt) e pastoral
Ocupación	bispo católico (2003–), sacerdote católico (1976–), diácono (1976–), presbítero greco-católico
Lingua	Lingua eslovaca
Orde relixiosa	Congregación da Misión
Consagración	Xoán Paulo II, papa
Premios  Orde ao Mérito de Ucraína de terceira clase  Order of Merit (Ukraine), 2nd class (en)

Milan Šašik, nado o 17 de setembro de 1952 en Lehota (Eslovaquia) e finado en Uzhhorod (Ucraína) o 14 de xullo de 2020, foi un relixioso grecocatólico lazarista ruteno, bispo de Mukacheve.

Traxectoria

Naceu o 17 de setembro de 1952 en Lehota, no distrito de Nitra, entón parte da República Socialista Checoslovaca (hoxe Eslovaquia). O 31 de xullo de 1971 entrou na Congregación da Misión, e até 1976 estudou Filosofía e Teoloxía no seminario de Bratislava.

O 27 de setembro de 1973 fixo os votos perpetuos como lazarista, e o 6 de xuño de 1976 foi ordenado sacerdote da súa orde. Posteriormente exerceu diferentes ministerios pastorais. Ademais, obtivo permiso da Santa Sé para celebrar tanto no rito bizantino como no rito romano. Entre 1990 e 1992, estudou unha mestría na Pontificia Facultade Teolóxica Teresianum de Roma.

Entre 1992 e 1998 traballou na nunciatura apostólica en Ucraína. Posteriormente, foi durante un ano director do noviciado da Congregación da Misión en Eslovaquia. En agosto de 2000 volveu a Ucraína e exerceu de párroco en Perechyn, na rexión de Transcarpacia.

O 12 de novembro de 2002 o papa Xoán Paulo II nomeouno bispo titular de Bononia e administrador apostólico da eparquía de Mukacheve. O 6 de xaneiro de 2003 recibiu a consagración episcopal na basílica de San Pedro polo mesmo papa.

Ademais de eslovaco, falaba ucraíno, italiano, checo, ruso e polaco.