Mike Starr
  | |
| Biografía | |
|---|---|
| Nacemento | 4 de abril de 1966 Honolulu, Estados Unidos de América |
| Morte | 8 de marzo de 2011 (44 anos) Salt Lake City, Utah, Estados Unidos de América |
| Causa da morte | Sobredose |
| Datos persoais | |
| País de nacionalidade | Estados Unidos de América |
| Educación | Highline High School (en)  |
| Actividade | |
| Campo de traballo | Música |
| Ocupación | baixista , cantante , guitarrista , músico , teclista |
| Período de actividade | 1983 - 1993 |
| Membro de | |
| Xénero artístico | Glam metal e Grunge |
| Lingua | Lingua inglesa |
| Instrumento | Baixo |
| Selo discográfico | Columbia Records |
      | |
Michael Christopher Starr, nado o 4 de abril de 1966 en Honolulu, Hawai e finado o 8 de marzo de 2011 en Salt Lake City, foi un músico estadounidense. Foi o baixista orixinal da banda de grunge Alice in Chains, e estivo no grupo dende 1987 ata 1993. Encargouse do baixo nos traballos We Die Young, Facelift, Sap e Dirt e deixou a banda no medio da xira deste último álbum.
Posteriormente tocou o baixo na banda Sun Red Sun, que contaba na súa formación con Ray Gillen e Bobby Rondinelli, antigos membros de Black Sabbath.
Traxectoria[editar | editar a fonte]
Antes de unirse a Alice in Chains, Starr estivo en dúas bandas distintas. Unha chamábase Gypsy Rose, e contaba co produtor Tim Branom, que traballou con Alice in Chains nos seus inicios. Despois, entre 1983 e 1984 tocou nun grupo de heavy metal chamado SATO, onde gravou o tema "Leather Warriors" para o recompilatorio Northwest Metalfest, editado en 1984 polo selo de Seattle Ground Zero Records.
A mediados dos 80 Jerry Cantrell creou unha banda, onde tamén estaba o batería Sean Kinney e Starr no baixo. O compañeiro de habitación de Cantrell, o vocalista Layne Staley, aceptou unirse a eles se Cantrell entraba bo seu proxecto funk, que rematou pouco tempo despois. A banda comezou a gañar a atención na zona de Seattle tocando con diferentes nomes antes de pasar a chamarse Alice in Chains. Posteriormente asinarían un contrato con Columbia Records e tiveron bastante éxito no movemento grunge de principios dos 90.
Starr deixou Alice in Chains durante a xira do álbum Dirt. Segundo sixo Layne Staley nun artigo da Rolling Stone de febreiro de 1994, a saída de Starr debeuse só a "unha diferenza de prioridades. Nós queríamos continuar xirando extensamente. Mike estaba listo para irse a casa"[1]. Starr, porén, mencionou nun episodio de Celebrity Rehab que foi expulsado da banda debido á súa adicción ás drogas. O tema non editado "Misery, Crack Pipes, and Gothic Main Lines", composto nese período, fai alusión ao abuso das drogas por parte de Starr.
Starr tocou posteriormente na banda Sun Red Sun, pero o proxecto rematou pronto debido á morte de Ray Gillen en 1993. No ano 2010, Starr informou que estaba traballando co seu novo grupo, que realizaría unha xira con Days of the New. Porén, estes plans non se levaría a cabo debido á súa repentina morte.
Notas[editar | editar a fonte]
- ↑ "Rolling Stone - The Real Dirt". Arquivado dende o orixinal o 19 de xullo de 2011. Consultado o 05 de decembro de 2011.
