Miguel Fidalgo Areda

Miguel Fidalgo Areda

Biografía
Nacemento	10 de marzo de 1956 (68 anos) Francelos, España
Senador de España
2011 – 2015
Senador de España
2008 – 2011
Alcalde de Ribadavia
1992 – 1995 ← José María Vázquez Pérez – Jaime Dávila Sánchez →
Alcalde de Ribadavia
1987 – 1989 (moción de censura) ← José María Vázquez Pérez – Antonio Lorenzo Rodríguez →
Actividade
Ocupación	político
Partido político	Partido Socialista Obrero Español
Membro de	Partido dos Socialistas de Galicia

Para outras páxinas con títulos homónimos véxase: Miguel Fidalgo.

Miguel Fidalgo Areda, nado en Francelos (Ribadavia) o 10 de marzo de 1956, é un político socialista galego.

Traxectoria

Mestre de profesión. Foi concelleiro do PSdeG-PSOE en Ribadavia tralas eleccións municipais de 1983. Nas municipais de 1987 encabezou a candidatura socialista e foi elixido alcalde grazas ao apoio dos Independentes do Municipio de Ribadavia e do BNG. Porén, en xullo de 1989 perdeu a alcaldía tras unha moción de censura apoiada polos Independentes que fixo alcalde ó candidato de Centristas de Galicia Antonio Lorenzo. Nas Eleccións ao Parlamento de Galicia de 1989 resultou elixido deputado.

Nas municipais de 1991 encabezou novamente a candidatura do PSdeG e logrou se-la forza máis votada, se ben non recuperou a alcaldía tras apoiar Centristas de Galicia ao PPdeG. Porén, o 26 de maio de 1992 volveu á alcaldía tras unha moción de censura apoiada por dous dos edís de Centristas, renunciando por tanto á súa acta de deputado autonómico. Nas municipais de 1995 quedou por detrás do PPdeG e perdeu a alcaldía. Volveu encabeza-la candidatura socialista nas municipais de 1999 sen lograr recupera-la alcaldía, permanecendo como concelleiro na oposición ata a fin do mandato en 2003.

Nas Eleccións xerais de 2008 foi o candidato número 1 do PSdeG-PSOE ao Senado pola provincia de Ourense e foi elixido senador. Revalidou a súa acta nas Eleccións Xerais de 2011, permanecendo na cámara alta ata o remate da lexislatura en 2015.

Vida persoal

É pai de Brais Fidalgo, dirixente da marea Ribeiro en Común.

Véxase tamén

Outros artigos

• Lista de senadores galegos desde a Transición
• Eleccións municipais en Ribadavia

Ligazóns externas

• Blog de Miguel Fidalgo