Miguel Barros

Miguel Barros

Biografía
Nacemento	21 de novembro de 1944 (80 anos) Cotobade, España
Director de tese	Ramón Máiz
Actividade
Ocupación	escritor, político, mestre

Miguel Barros Puente, nado en Cotobade (hoxe Cerdedo-Cotobade) o 21 de novembro de 1944, é un mestre, político e escritor galego.

Traxectoria

Miguel Barros é profesor de educación primaria, licenciado e doutor en ciencias políticas. En 2008 doutorouse pola Universidade de Santiago de Compostela coa tese O partido galeguista e a revisión do nacionalismo: Ramón Piñeiro 1943-1981, dirixida por Ramón Máiz. Foi un dos fundadores do Movemento de Mestres de Pontevedra, que espertou a mobilización social do maxisterio nos anos finais do franquismo. Foi militante do PSOE desde 1978 até 2006, e un dos líderes do sector galeguista do PSdeG; foi deputado no Parlamento de Galicia (1981-1993), concelleiro en Vigo e secretario comarcal de Vigo. En xuño de 2006 deixou o partido tras o seu afastamento da executiva do PSdeG e as discrepancias co grupo municipal socialista. Foi conselleiro delegado da empresa editora de Xornal de Galicia (2010). Actualemente milita en Compromiso por Galicia, e foi o candidato deste partido á alcaldía de Vigo nas eleccións de 2015.

Obras

Ensaio

• Discurso e tempo. Na procura dun socialismo para Galicia. A Nosa Terra, 2005.
• Ramón Piñeiro e a revisión do nacionalismo. Galaxia, 2009. Premio da Crítica de Galicia.
• Memoria dunha experiencia asemblearia. Crónica e ideoloxía do movemento de mestres. Galaxia, 2019. 440 páxs. ISBN 978-84-9151-395-7.

Véxase tamén

Bibliografía

• Porteiro, Mª Xosé; Perozo, Xosé A. (1981). Quen é quen no primeiro Parlamento Galego. Vigo: Xerais. pp. 101–103. ISBN 84-7507-044-2. 

Ligazóns externas

• Entrevista con Miguel Barros, aparecida en Xornal de Galicia o 12 de outubro de 2009.