Miguel Anxo González Suárez

Na Galipedia, a Wikipedia en galego.
Miguel Ángel
{{{imaxe}}}
Nome completo: Miguel Anxo González Suárez
Alcume: {{{alcume}}}
Data de nacemento: 24 de decembro de 1947
Lugar de nacemento: Ourense, Galiza
Data de falecemento:
Lugar de falecemento: ,
Nacionalidade: Galego
Club actual: Real Madrid
Posición: Porteiro
Altura: {{{altura}}} metros
Partidos internacionais: 19
Goles: 438 encaixados
Ano do debut: 1966
Club do debut: CD Ourense
Ano do retiro: 1986
Club do retiro: Real Madrid

Miguel Anxo González Suárez, máis coñecido como Miguel Ángel, nado en Ourense o 24 de decembro de 1947, foi un futbolista galego dos anos setenta e oitenta, porteiro do Real Madrid e da selección española,

Inicios da carreira deportiva[editar | editar a fonte]

A primeira actividade deportiva de Miguel Anxo González foi o balonmán, onde competía como porteiro no equipo do seu colexio, o Cardeal Cisneros. Tamén practicou o básquet, pero finalmente debutou como porteiro no AD Couto, un modesto equipo da cidade das Burgas, e que ben axiña se transformou en Atlético Ourense, o filial do CD Ourense. Miguel Anxo González tamén pasou rapidamente ao primeiro equipo como suplente de Ibarreche. Por unha lesión deste, disputa un amigábel no campo do Real Madrid onde causa unha excelente impresión.

Os primeiros pasos madridistas[editar | editar a fonte]

Esta sensación levouno a fichar o 1 de xullo de 1967 polo Real Madrid, se ben comezou no equipo de afeccionados. Nas primeiras semanas é cedido ao CD Castellón, co que disputa o seu primeiro partido de Copa do Xeneralísimo contra o Osasuna. Dende ese encontro, onde encaixou un gol, Miguel Anxo González ocupou como titular a meta dos albinegros.

Despois desta experiencia regresa ao Real Madrid, ao principio como terceiro porteiro ao carón de Junquera e Betancort como rivais na demarcación. O adestrador daquel tempo, Miguel Muñoz prefería o canario Betancort, de xeito que na campaña 1968/69 só chega a intervir en seis encontros amigábeis, circunstancia que se foi repetindo durante as catro tempadas seguintes: sesenta partidos non era un balance demasiado positivo.

O brillo[editar | editar a fonte]

Na tempada 1973/74 substitúen a Miguel Muñoz e o novo técnico, Luis Molowny, dálle unha oportunidade ao ourensán, aliñándoo na final da Copa do Rei no Estadio Vicente Calderón ante o FC Barcelona, que vencen os madridistas por un rotundo 4-0.

Na campaña seguinte 1974/75, faise cargo do equipo Miljan Miljanic, e Miguel Anxo pasou a ser titular indiscutible. O iugoslavo aliñouno en corenta encontros, e con el proclamouse campión de Liga e Copa. Esta vez a final gañáronlla ao Atlético de Madrid nos penaltis, logo de rematar o tempo regulamentario cun empate a ceros.

Co Real Madrid Miguel Anxo González conseguiu seis Ligas máis e outras dúas Copas de España, ademais de dúas Copas da UEFA, pero ningún máximo título europeo, malia disputar nove Copas de Europa. Ademais, foi dúas veces semifinalista e unha vez finalista deste torneo. A primeira semifinal perdida foi contra o Bayern de Múnic (1977) e a segunda contra o Hamburgo SV (1978). A final desputouna en 1981 contra o Liverpool FC.

Internacionalidade[editar | editar a fonte]

O porteiro ourensán foi internacional coa selección española en 19 ocasións (18 coa selección A e unha coa olímpica), coincidindo na época de José Ángel Iríbar. O seu debú como internacional prodúcese o 12 de outubro de 1975 no Estadio de Sarrià, ante Dinamarca, substituíndo o lesionado Iríbar. Aos poucos foise facendo habitual nas convocatorias de Ladislao Kubala, técnico que o leva ao Mundial de 1978 en Arxentina. A súa magistral actuación ante Brasil non puido evitar que España non pasase da primeira eliminatoria.

Retirada[editar | editar a fonte]

Miguel Anxo González retirouse o 30 de xuño de 1986, e pasou a desempeñar diversos cargos deportivos dentro do Real Madrid. Primeiro ocupou o posto de delegado do equipo, máis tarde encargouse da preparación dos porteiros do primeiro equipo durante distintas épocas e, desde finais dos noventa é director das instalacións de adestramento e competición do club.

Palmarés[editar | editar a fonte]

  • 7 ligas
  • 4 Copas de España
  • 2 Copas da UEFA
  • 1 Copa da Liga
  • Trofeo Zamora na tempada 1985/86.
  • Futbolista do ano en 1975-76

Outros trofeos[editar | editar a fonte]

  • 2 Bernabéu
  • 2 Teresa Herrera
  • 1 Ciudad de La Línea
  • 1 Ciudad de La Palma
  • 1 Colombino
  • 1 Festa D'Elig
  • 1 Costa del Sol
  • 1 75º Aniversario
  • 1 Ciutat de Barcelona
  • 1 Inmortal Girona

Partidos xogados no Real Madrid[editar | editar a fonte]

  • 246 de Liga
  • 45 de Copa de España
  • 45 de Copa de Europa
  • 9 de Copa da Liga
  • 100 amigábeis estatais e internacionais