Michael Landon
Na Galipedia, a Wikipedia en galego.
Michael Landon, nado o 31 de outubro de 1936 en Nova York e finado o 1 de xullo de 1991 en Malibu, foi un actor, guionista, director e produtor de televisión estadounidense.
Traxectoria[editar | editar a fonte]
Landon é coñecido polas interpretacións de Little Joe Cartwright en Bonanza (1959–1973), Charles Ingalls en Little House on the Prairie (1974–1983) e Jonathan Smith en Highway to Heaven (1984–1989), todas as tres na NBC. Landon ademais produciu, escribiu e dirixiu moitos dos episodios das series nas que apareceu, e tamén escribiu e dirixiu o telefilme autobiográfico The Loneliest Runner (1976) ademais de crear a serie Father Murphy (1981-1983) interpretada por Merlin Olsen.
