Miami Vice é o nome dunha serie dramática de televisión da compañía NBC, que saíu ó aire a comezos da década de 1980.
A serie trataba sobre dous axentes de policía de Miami traballando como detectives encubertos en casos de tráfico de drogas, violencia nas rúas, e mesmo casos reais de crimes cometidos en South Beach, Miami.
A serie foi creada por Anthony Yerkovich, producida por Michael Mann' (Manhunter, O Dilema), e escrita por Joel Surnow (Wise Guy, 24), para a canle NBC, que a retransmitiu desde 1984 a 1989.
En 2006 apareceu a versión cinematográfica desta serie (Miami Vice), dirixida polo que fora o seu produtor nos oitenta, Michael Mann, e protagonizada polos actores Colin Farrell e Jamie Foxx, como a parella de detectives, e Gong Li e o actor lugués Luís Tosar como os traficantes ós que intentan apresar.
