Mia Hamm

Na Galipedia, a Wikipedia en galego.
Saltar ata a navegación Saltar á procura
Mia Hamm
Mia Hamm signing an autograph.jpg
Información persoal
Nacemento 17 de marzo de 1972
  Selma
Nacionalidade Estados Unidos de América
Altura 165 centímetros
Posición Dianteiro

Mariel Margaret Hamm-Garciaparra, nada en Selma (Alabama) o 17 de marzo de 1972 é unha ex-futbolista, dobre campioa olímpica e dobre campioa da Copa do Mundo. Recoñecida como unha icona do fútbol,[1][2][3][4] xogou de dianteira na Selección de fútbol dos Estados Unidos entre 1987 e 2004. Hamm foi a face da Women's United Soccer Association (WUSA), primeira liga profesional de fútbol feminino nos Estados Unidos, onde xogou para Washington Freedom entre 2001 e 2003. Xogou no fútbol universitario para o North Carolina Tar Heels, ao que axudou a gañar catro títulos consecutivos.

Durante a súa etapa no equipo nacional, participou en catro Copas do Mundo: China 1991, Suecia 1995 e nos Estados Unidos en 1999 e 2003. Liderou tamén o equipo en tres xogos olímpicos: Atlanta 1996, Sydney 2000 e Atenas 2004. Durante a súa carreira internacional xogou 42 partidos e marcou 14 goles en 7 torneos internacionais.

Hamm tivo a marca de máis goles internacionais marcados (tanto por homes como por mulleres) ata 2013.[5][6][7] Foi declarada FIFA World Player of the Year en 2001 e 2002, e foi incluída xunto coa súa compañeira de equipo Michelle Akers na listaxe feita por Pelé dos 125 mellores xogadores vivos da FIFA.[8]

Notas[editar | editar a fonte]

  1. Foudy, Julie (22 de xuño de 2012). "The essence of Mia". ESPN. Consultado o 18 de xuño de 2017. 
  2. Quashie, Sid (30 de novembro de 2016). "Whatever Happened To…? '90s Sports Icons Edition". Bleacher Report. Consultado o 18 de xuño de 2017. 
  3. Nelson, Murry R. (2013). American Sports: A History of Icons, Idols, and Ideas. ABC-CLIO. ISBN 0313397538. 
  4. Hilton, Lisette. "No Me in Mia". ESPN. Consultado o 18 de xuño de 2017. 
  5. "Christine Sinclair passes Mia Hamm as 2nd highest goal-scorer in history". Fox Sports. 15 de febreiro de 2016. Consultado o 2 de agosto de 2017. 
  6. "Mia Hamm to receive Freedom honor". ESPN. Associated Press. 1 de maio de 2009. Consultado o 1 de xuño de 2017. 
  7. Alexander, Valerie (7 de xullo de 2014). "World Cup Soccer Stats Erase The Sport's Most Dominant Players: Women". Jezebel. Consultado o 3 de xuño de 2017. 
  8. Millward, Robert (4 de marzo de 2007). "Pele's list of soccer's best includes Hamm, Akers". USA Today. Consultado o 3 de xuño de 2017. 

Véxase tamén[editar | editar a fonte]

Ligazóns externas[editar | editar a fonte]