Mesa dos pecados capitais

Na Galipedia, a Wikipedia en galego.
Mesa dos pecados capitais
Hieronymus Bosch- The Seven Deadly Sins and the Four Last Things.JPG
Artista Hieronymus Bosch
Data 1505-1510
Técnica óleo sobre táboa
Dimensións 119,5 cm × 139,8 cm
Localización Museo do Prado (Madrid)

A Mesa dos pecados capitais é un cadro de Hieronymus Bosch, o Bosco,[1] ou dun seguidor do mestre.[2] É un óleo sobre táboa cuxo primeiro destinatario e función descoñécense. Ó servirse como soporte de madeira de chopo, máis lixeira que a habitual madeira de carballo, non foi posible datar a antigüidade da táboa por dendrocronoloxía e, como as restantes obras da contorna do Bosco, a data da súa creación é discutida, aínda que vestidos e outros detalles como o debuxo subxacente, apuntan ós últimos anos de vida do pintor. A sinatura, «Jheronimus bosch» é presumiblemente auténtica.[3] Mide 119,5 cm de alto e 139,8 cm de ancho. Exhíbese no Museo do Prado de Madrid, como depósito de Patrimonio Nacional.

Historia[editar | editar a fonte]

Esta táboa foi adquirida polo monarca Filipe II de España antes de 1560 e depositada no mosteiro do Escorial coa primeira entrega de obras artísticas en 1574. Trasladouse ó Museo do Prado durante a Guerra Civil española pola Xunta Delegada de Incautación, Protección e Salvamento do Tesouro Artístico de Madrid. Felipe de Guevara ocupouse da Mesa con moitos eloxios nos seus Comentarios da pintura de cara a 1560. Guevara referíase a ela nunha pasaxe polémica no que, tratando das «cousas de Boshc» e dirixíndose ó monarca propietario da Mesa, falaba tamén dun imitador da obra do Bosco, tan devoto do mestre que asinaba as súas obras co seu nome, atribuíndo a Mesa ó discípulo, aínda que no Escorial estivo sempre atribuída ó propio Bosco.[4]

Os estudos técnicos realizados no Museo do Prado con motivo do quinto centenario da morte do pintor, completando os estudos técnicos realizados en 1987 e 2001 por Carmen Garrido e Roger Van Schoute, permiten confirmar a autoría do Bosco.[5]

Notas[editar | editar a fonte]

  1. Silva (2016), p. 302.
  2. Ilsink, Matthijs; Koldeweij, Jos (2016). Hieronymus Bosch: Painter and Draughtsman – Catalogue raisonné. Yale University Press. p. 504
  3. Silva (2016), p. 303.
  4. Silva (2016), pp. 304-305.
  5. Silva (2016), pp. 305-312, incluíndo detalles do debuxo subxacente obtidos por reflectografía infrarroxa.

Véxase tamén[editar | editar a fonte]

Bibliografía en castelán[editar | editar a fonte]

  • Silva Maroto, Pilar (ed.) (2016). El Bosco. La exposición del V centenario. Madrid: Museo Nacional del Prado. ISBN 978-84-848-0316-4. 
  • Monreal, L., Grandes Museos, Vol. 1, Planeta, 1975. ISBN 84-320-0460-X (obra completa)
  • Carrassat, P.F.R., Maestros de la pintura, Spes Editorial, S.L., 2005. ISBN 84-8332-597-7
  • Romano, E. (dir.), "Bosco", "Los grandes genios del arte", n.º 25, Unidad Editorial, S.A., 2005, ISBN 84-89780-69-2
  • Cirlot, L. (dir.), Museo del Prado I, Col. «Museos del Mundo», Tomo 6, Espasa, 2007. ISBN 978-84-674-3809-3, pp. 158–159
  • Ilsink, Matthijs; Koldeweij, Jos (2016). Hieronymus Bosch: Painter and Draughtsman – Catalogue raisonné. Yale University Press. p. 504. ISBN 978-0-300-22014-8.

Ligazóns externas[editar | editar a fonte]