A membrana interósea do antebrazo é unha membrana fibrosa que une o óso radio co cúbito. A membrana dálle estabilidade ao antebrazo, repartindo e distribuíndo as forzas entre os dous ósos. Tamén divide o antebrazo nun compartimento anterior e nun posterior. Ademais, serve de inserción para algúns músculos do antebrazo.
Nos movementos de pronación e supinación, a membrana contráese e reláxase facilitando estes movementos.
