Melissa Joan Hart

Melissa Joan Hart
	;
Biografía
Nacemento	18 de abril de 1976 (48 anos); Smithtown, Estados Unidos de América (pt)
Datos persoais
Residencia	Westport
País de nacionalidade	Estados Unidos de América
Relixión	Catolicismo
Educación	Universidade de Nova York ; Professional Children's School (en)
Actividade
Campo de traballo	Controle de armas de fogo (pt)
Ocupación	actriz de televisión , actriz de cinema , modelo , produtora de televisión , director de televisión , actriz , directora de cine , actriz de teatro , emprendedora , actriz de dobraxe , realizadora , produtora , cantante , creadora de podcast
Período de actividade	1985 -
Partido político	Partido Republicano
Membro de	Girl Scouts of the USA (en)
Lingua	Lingua inglesa e lingua eslovena
Instrumento	Voz
Participou en
28 de abril de 1998	Jeopardy! (pt)
Familia
Cónxuxe	Mark Wilkerson (pt) (2003–)
Fillos	Tucker Wilkerson (en) , Mason Wilkerson (en) , Braydon Wilkerson (en)
Irmáns	Emily Hart (pt)

Melissa Joan Hart, nada en Smithtown, Nova York o 18 de abril de 1976, é unha actriz, directora, produtora, cantante, deseñadora de moda e empresaria estadounidense. É coñecida polos seus papeis principais nas series Clarissa Explains It All (1991–94), Sabrina the Teenage Witch (1996–03), e Melissa & Joey (2010–15).

Carreira[editar | editar a fonte]

Inicios na actuación[editar | editar a fonte]

Comezou a súa carreira a unha idade temperá. O seu primeiro comercial de televisión foi para un xoguete chamado Splashy. Dende entón, realizou máis de 25 comerciais antes de cumprir os cinco anos. A súa carreira televisiva comezou en 1985 cun papel menor na miniserie Kane & Abel. O ano seguinte tivo un papel estelar nun episodio de The Equalizer e un papel principal coa actriz Katherine Helmond no filme de televisión Christmas Snow, o cal gañou un Premio Emmy.

Clarissa Explains It All[editar | editar a fonte]

En 1989 presentouse á audición para unha produción de Broadway, The Crucible, que protagonizaba o actor Martin Sheen, pero só quedou como suplente dos tres novos protagonistas. Logo protagonizou a serie de televisión Clarissa Explains It All. Esta serie de Nickelodeon era unha comedia sobre situacións diarias polas que atravesaba unha moza. Chegou a ser un grande éxito e estivo no aire por catro tempadas. O programa permitiulle obter catro nomeamentos consecutivos dos Premios de Artistas Novos, dos cales gañou tres, converténdose en famosa entre as adolescentes estadounidenses.

Sabrina, the Teenage Witch[editar | editar a fonte]

Despois da cancelación da serie, empezou a súa educación na Universidade de Nova York, aínda que non completou os seus estudos, porque retomou a súa carreira como actriz en 1996 cando obtivo o papel principal para a serie de televisión Sabrina, the Teenage Witch, onde actuou xunto cos actores Caroline Rhea, Beth Broderick, Nate Richert e Nick Bakay. Esta serie durou sete tempadas na cadea estadounidense ABC. Mentres tanto, traballou tamén na serie Touched by an Angel.

Véxase tamén[editar | editar a fonte]

Ligazóns externas[editar | editar a fonte]

Melissa Joan Hart na IMDb (en inglés).