Melissa Farley

Na Galipedia, a Wikipedia en galego.
Saltar ata a navegación Saltar á procura
Melissa Farley
Nacemento1942
NacionalidadeEstados Unidos de América
Alma máterUniversidade de Iowa
Ocupaciónpsicóloga
editar datos en Wikidata ]

Melissa Farley, nada en 1942, é unha psicóloga clínica estadounidense, investigadora e feminista en contra da pornografía e a prostitución.[1][2][3][4][5] Farley é coñecida polos seus estudos sobre os efectos da prostitución, trata de persoas e violencia sexual. É fundadora e directora da organización Prostitution Research and Education en San Francisco, nos Estados Unidos.

Traxectoria[editar | editar a fonte]

Farley traballou para axencias, gobernos, centros médicos e defensores das mulleres en prostitución e vítimas de trata de persoas. Estes grupos inclúen a Organización das Nacións Unidas, o Medical Examining Board de California, o Departamento de Estado dos Estados Unidos, o Centro de Estudos Indíxenas do Mundo (CWIS), a Minnesota Indian Women's Sexual Assault Coalition, Refuge House, Breaking Free, Veronica's Voice e o Cambodian Women's Crise Center. Farley ten 50 publicacións no eido de violencia contra as mulleres, a maioría eles acerca da prostitución, a pornografía e o tráfico de mulleres. A súa investigación foi utilizada por gobernos en Suráfrica, o Canadá, Francia, Nova Zelandia, Ghana, Escocia, Suecia, o Reino Unido e os Estados Unidos para desenvolver educación e políticas sobre a prostitución e o tráfico humano.

Notas[editar | editar a fonte]